A Mariña, 16 de febreiro de 2014.- O secretario xeral do Partido Popular de Lugo, José Manuel Balseiro, reprobou a “ansia oportunista” e o “atrevemento” que vén de amosar a socialista Lara Méndez, á hora de responsabilizar á Xunta de Galicia das consecuencias do temporal que sufriu a Mariña.
O dirixente popular tacha de “mesquindade política” esta actitude, que só pode ser debida a un importante “afán de protagonismo moi desprezable” e, sobre todo, cando a socialista, “nunha mostra de descaro político” está a demandar accións que “ela mesma incumpre”.
Polo tanto, José Manuel Balseiro considera que o “atrevemento” da socialista é tal que, non só se amosou capaz “de responsabilizar á Xunta das consecuencias dun temporal”, senón tamén de reclamarlle á administración autonómica, xestións “que non se están a levar a cabo na Deputación Provincial de Lugo”, ente que vicepreside Lara Méndez.
Capaz de reclamar o que non cumpre
Ao oportunismo de utilizar politicamente as consecuencias dun temporal, o popular repróballe a Lara Méndez , “a dobre cara que amosa ao reclamar o que incumpre como vicepresidenta da Deputación Provincial de Lugo”.
José Manuel Balseiro, a través de fotos, corrobora que a administración provincial non só suspende en mantemento e coidado das estradas, senón que non fai respectar as distancias mínimas entre as plantacións e os viais.
Numerosos veciños víronse afectados por cortes en estradas provinciais froito desta circunstancia incentivada polas condicións climatolóxicas, explica o popular, polo que non chega a entender as declaracións de Lara Méndez, se non son froito dunha actitude “mesquiña, politicamente falando”.
A Deputación de Lugo, titular de estradas en mal estado
O popular denuncia a falta de rigor tanto da socialista como dos responsables da administración provincial que, tal e como denunciaron en reiteradas ocasións dende o PP, profesan a inoperancia política en canto ao mantemento das estradas provinciais.
José Manuel Balseiro explica que os condutores a diario están a vivir un panorama complicado no asfaltado, baches, derrubamentos de terrapléns e carencia nas tarefas de conservacións de estradas provinciais, que está a provocar a reivindicacións de numerosos veciños e alcaldes que trasladan ao ente lucense escritos para que sexan atendidas as súas demandas.
Polo tanto, o secretario xeral dos populares lucenses recoméndalle a Lara Méndez que non realice comparativas entre as estradas autonómicas e as provincias, por que sairía perdendo, “e non precisamente por falta de orzamento”.
Terrapléns que tardan semanas e incluso anos en arranxarse, ou incluso o retraso que anualmente se está a dar nos desbroces das estradas de titularidade provincial, amosan que Lara Méndez é a “menos oportuna para dar exemplo de boa xestión”, e estas declaracións só evidencian que detrás da súa actitude se atopa “gaña de ter protagonismo ata o punto de reclamar o que non cumpre”.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
