Este sábado 15 de febreiro o Salón de Actos da Casa da Cultura de Alfoz ateigouse de xente para presenciar a Proba Artística das Olimpíadas Interparroquiais de Alfoz. O cheo foi total e o ambiente inigualable. Emoción, risas, espectáculo, arte… todo unido para facer desta competición amigable e entrañable todo un éxito. Ademais, “cada xornada que pasa destas Olimpíadas a afluencia de público vai en aumento e a implicación dos veciños é maior”.
O xurado estaba formado por sete persoas vinculadas ó mundo artístico na bisbarra: Noé Recalde, Presidente da Asociación Cultural “Conde Santo” de Lourenzá; Paco Piñeiro, autor e director teatral de renome na nosa bisbarra; Paz Rodríguez, Directora do grupo de teatro “Ardora” de San Cibrao; Xoán Guerreiro, afamado pintor de Xove; Marco Uría, Presidente da Asociación Cultural “Amado Lar” do Valadouro; Jorge Olivera, profesor de Música do IES Alfoz-Valadouro e o compositor de música, e Ramón Ares, actor dos grupos teatrais “A Adala” de Fazouro e “Ollomao” de San Miguel. Pola súa banda, a presentación correu a cargo dos inigualables Cachín e Albertiño Níñez. E tamén participou a TVG gravando o acto.
Triunfou no aspecto artístico a parroquia de Bacoi, coa actuación de dous cantantes de voz poderosa, como son Cándido Paleo e Almudena Cuadrado. En segundo lugar quedou a parroquia de O Castro, cunha emocionante escenificación do sentimento da emigración, ideada por Xabier Pardiñas e protagonizada por varios veciños, entre os que destacou a preciosa voz de Adela Díaz, interpretando “Lela”. O terceiro lugar foi para José Ramón “Pego”, un gaiteiro dos de antes, que representaba ó binomio parroquial de Terras Altas (As Oiras e O Pereiro). O pego, con 90 anos, segue soprando a súa gaita e tivo a xentileza de vir dende o concello de Riotorto, onde actualmente reside coa súa familia.
A continuación quedaron as restantes parroquias: Adelán cos bailes de Olaya Pedrosa e Lara Álvarez; San Pedro de Mor coas historias cheas de simpatía de Luís Souto; Lagoa, co orixinal monólogo de Alberto Sánchez; Carballido coa lección maxistral, chea de sátira e ironía, de Xaque, e Reirado coa orixinal representación teatral da familia Sixto.
Despois dos puntos obtidos na proba artística, a clasificación xeral das Olimpíadas pasa a estar encabezada por Bacoi, cun só punto de vantaxe sobre o anterior líder, Lagoa. As cousas están así:
1. Bacoi. 421 puntos.
2. Lagoa. 420 puntos.
3. Adelán. 388 puntos.
4. Carballido. 378 puntos.
5. O Castro. 377 puntos.
6. Mor. 331 puntos.
7. Terras Altas. 327 puntos.
8. Reirado. 267 puntos.
O vindeiro sábado 22 de febreiro celebrarase a última proba destas Olimpíadas: a dos Xogos Populares que se celebrarán no Pavillón Municipal a partir das 19.00 horas. Esta proba será decisiva, pois nela decidirase o gañador definitivo das Olimpíadas e farase a entrega das medallas de ouro, prata e bronce ós tres primeiros clasificados. Todos os demais participantes recibirán un diploma acreditativo da súa participación nestas Primeiras Olimpíadas Interparroquiais de Alfoz.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
