BURELA, 19 DE FEBREIRO.- O secretario de Medio Rural –Horacio Rouco-, o deputado autonómico e voceiro de Pesca no Parlamento de Galicia -José Ramón Val Alonso-, acompañados de voceiros do PSOE na Mariña, presentaron este mércores a xornada informativa, organizada polo Partido Socialista: “A reforma pesqueira na Unión Europea”, que se desenvolverá este venres, a partires das 20:30 horas, no salón de actos da Confraría de Pescadores de Burela.
Con esta iniciativa, que se enmarca dentro do programa de mesas sectoriais que a nova executiva provincial iniciou en xaneiro coa reforma da Política Agraria Común, os socialistas pretenden dar continuidade ó obxectivo de coñecer as fortalezas e debilidades dos principais sectores produtivos da provincia para deseñar un plan de traballo conxunto que permita impulsar a provincia social e economicamente. Neste caso concreto, achegarán posturas sobre a nova normativa pesqueira que entrou en vigor este mesmo ano, e substitúe á de 2002.
Deste xeito, o encontro, que estará moderado por González Santín e clausurado polo líder dos socialistas galegos –José Ramón Gómez Besteiro- contará coas intervencións dos deputados no Parlamentos europeos e galego, Antolín Sánchez Presedo e José Ramón Val. A presentación correrá a cargo do secretario de Medio Rural.
A xornada está aberta a todo o público en xeral, e inclúe unha visita dos poñentes á lonxa desta localidade, ás 18:00 horas, na que os socialistas comprobarán o funcionamento desta importante plataforma pesqueira, pois nela descargan a súa mercadoría o maior número de buques rexistrados na Mariña luguesa.
Aportacións decisivas do Partido Socialista
O Partido Socialista participou activamente no proceso negociador desta estratexia comunitaria. Concretamente, presentou un total de 172 emendas co fin de que esta reforma “non fose traumática para o sector e de que non tivese un impacto moi negativo dende o punto de vista socioeconómico para Galicia e para A Mariña”. E é que o sector pesqueiro xera 35.600 millóns de ingresos na UE e dá traballo a 310.00 persoas, das que 138.500 pertencen só ó grupo das capturas.
Así mesmo, Galicia é hoxe a primeira potencia pesqueira de España e de Europa. Na nosa Comunidade teñen porto base o 5,52% dos buques da Unión e o 42,9% dos españois. Son, preciasamente, as pezas fundamentais dun mecanismo que move a máis de 40.000 persoas que viven do sector marítimo-pesqueiro galego, indicou Rouco. Só na Mariña, hai unhas 2.000 persoas afiliadas a este reximen.
Segundo o Rexistro de 2013 de buques da Comunidade Autónoma (http://www.pescadegalicia.com/Publicaciones/CDRBG2013/) a Mariña conta con 186 floteis, dos que 77 están en Burela; 66 en Celeiro; 7 en Foz; 8 en O Vicedo; 8 en Ribadeo; 16 en San Cibrao; e 4 en Viveiro. Suman un arqueo de 27.306 GT (siglas en inglés que significan toneladas brutas) e unha potencia de máis de 56.700 cabalos a vapor. Isto supón que Lugo conta co 4,06% da frota galega. A Coruña posúe o 50,45% e, Pontevedra, o 45,49% (http://www.pescadegalicia.com/Publicaciones/CDRBG2013/Informes/1.2.1.html).
Os datos demostran, destacaron os socialistas, que “estamos a falar dun sector estratéxico para a nosa provincia”, pois segundo as mesmas fontes, as catro lonxas rexistraron a principios de ano unha venda de máis de 3 millóns de quilos; o que supuxo un volume de negocio que supera os 12 millóns de euros (http://www.pescadegalicia.com/)
Cuestións que se abordarán na xornadaPolítica da Xunta de Galicia
Asimesmo, tal e como explicou Val Alonso, no encontro tamén se exporá a política levada a cabo pola Xunta de Galicia neste eido, referida á fixación de cotas e descartes; á redución orzamentaria aplicada polo Partido Popular que, só na partida de investigación para reducir os custos empresariais das empresas pesqueiras, o recorte ascende ó 50%, pasando de 85 millóns de euros en 2013 a 45 millóns en 2014; e analizarase “o afán privatizador” do Executivo de Feijóo nas políticas de salvamento marítimo, manifestado na venda dos helicópteros de titularidade autonómica a unha entidade privada “a prezo de saldo”, e coa aprobación do decreto 130/12 de 31 de maio, a través do que se establecen os prezos polo servizo de salvamento, onde non se exime de pagar ós profesionais do mar en caso de teren que ser rescatados.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
