CERVO, 24 DE FEBREIRO. Os socialistas de Cervo consideran moi acertada a decisión do concelleiro e deputado autonómico, José Manuel Balseiro, para interesarse no Parlamento Galego sobre a decisión da Xunta de Galicia de supender cautelarmente a actividade da mina de caolín de San Román de Vilaestrofe, “ademais de solicitar información, pedímoslle que esixa unha solución inmediata e de futuro co principal obxectivo de garantir a seguridade dos nosos veciños”.
Á vista dos últimos feitos, dende o Grupo Municipal Socialista poñen de manifesto que “o señor Balseiro discrepa co alcalde en que ésta sí é unha cuestión de importancia. Agardamos que recolla o ofrecemento dos veciños, á súa disposición para tratar de explicar e mediar no asunto”.
Lembran que os veciños da zona “xa pola festividade do Pilar, nos trasladaron a toda a corporación a súa preocupación polo deslizamento do terreo na mina. Ante o empeoramento do seu estado, agardamos que a Xunta de Galicia dé unha resposta rápida a esta situación, explique as xestións que ten previstas para dar solucións que garantan a seguridade dos veciños e a empresa, tamén afectada, poida reiniciar os seus traballos con total normalidade”.