Tres días despois de que a Deputación de Lugo o demostrara documentalmente, o Alcalde de Cervo, Alfonso Villares, admite agora que tentou cobrar 20.000 euros á empresa adxudicataria por obras ilegais nunha estrada provincial ó seu paso pola Senra. Ante a propia confesión do rexedor do PP, o organismo provincial esixe “unha rectificación pública polos seus enredos e artimañas” coa firma, “totalmente alleos á Deputación e dos que non teñen culpa nin os veciños de Cervo, nin os do resto da provincia”, subliñou o voceiro provincial socialista e Deputado de Xestión Territorial, Manuel Martínez.
Coa súa “disparatada fuxida cara adiante”, o rexedor popular “acabou admitindo todas as súas mentiras”, argumentou Martínez:
– “Dixo que o Concello non tivo nada que ver coa obra da Senra. Mentira: foi o Concello o que pediu o investimento e o que solicitou a licenza para executar os traballos”.
– “Acusou durante dous anos á Deputación de Lugo de persecución. Mentira: el mesmo recoñece nunha acta oficial e pública do propio Concello que os traballos estaban mal feitos e que foi el o que perseguiu a unha empresa para que lle entregase os cartos da multa. Que pretendía? Incumprir a Lei poñendo en grave perigo ós viandantes e saír impune? Cre que está por riba da legalidade?”
– “Agora recoñece o que anteriormente negou: que tratou de cobrar un cheque entregado pola empresa para pagar a multa que lle puxo a Deputación por obras ilegais en propiedade provincial”.
– Finalmente, “sae con que o cheque non tiña fondos, que cobrou en falso e que foi enganado supostamente pola empresa, algo que, en todo caso, debe aínda demostrar. Cantas máis explicacións dá, máis se funde no seu propio lodo”.
Por todo isto, ademais de desculpas públicas, o Alcalde de Cervo “débelle moitas explicacións ós veciños”, recalcou Martínez. Entre outras cousas, ten que aclararlles “por que estivo ocultando deliberadamente durante dous anos que recibiu un cheque de 20.000 euros da empresa adxudicataria co único obxectivo de atacar á Deputación e sacar réditos políticos, cando ademais desde esta institución lle demos todas as facilidades para evitar a sanción, ás que non se acolleu”, explicou o Deputado socialista. O comportamento de Villares foi cualificado polo Deputado como “neglixente, irresponsable e de mala praxis”.
Renuncia a investimentos provinciais
A “obsesión” de Villares contra a Deputación, afirmou o socialista, “lévao a renunciar a proxectos moi beneficiosos para os cervenses, que, ademais, lles aforrarían cartos, como dous plans para reducir a factura eléctrica e a certificación de calidade medioambiental ISO 14001 e EMAS para as praias, que aceptaron a maioría dos rexedores. “A pesar da crise económica, o Alcalde é un dos poucos de toda a provincia que rexeita por sistema os programas provinciais”, indicou.
O caso do proxecto de aforro enerxético “é flagrante”, dixo Martínez, pois, en vez de sumarse á iniciativa totalmente gratuíta da Deputación, Villares optou por pagar por un plan da Xunta que ademais inclúe menos actuacións.
En canto á certificación de praias, Cervo perdeu un investimento de 28.000 euros para implantar o selo ISO 14001 e EMAS, os de maior rigor a nivel internacional e que garanten un plus de calidade ós areais.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
