BARREIROS (FNC) .- O alcalde de Barreiros, Alfonso Fuente, acusa á Deputación Provincial de Lugo de paralizar as expropiacións dos terreos afectados pola construción da estrada que uniría a Cruz do Lobo con Reinante. O rexedor amósase sorprendido polas declaracións da vicepresidenta da Deputación, Lara Méndez, “cargando contra o alcalde de Barreiros, contra min, contra a miña persoa por estas obras que eu demandaba. Sorpréndeme e non me sorprende, porque a Deputación fai o que fixo a Xunta nos últimos catro anos que é culpar ós alcaldes e non facer nada”.
Fuente Parga dille a Lara Méndez “para que se informe que o proxecto que ela dice adxudicado por importe de 1.400.000 euros, está adxudicado a Construcciones Isidro Otero, e a propia Deputación, e quero matízalo ben, a propia Deputación enviou as cartas ós propietarios dos terreos para expropiarlles, e cando estes señores chegaron á Deputación paralizaron esas expropiacións. As expropiacións fainas a Deputación e non o Concello, polo tanto lle pido que se informe, que mire quen enviou as cartas para expropiar porque foi o departamento da propia Deputación ou ben por delegación da Xunta, pero quen tiña que expropiar era a Deputación, pero interesoulles paralizar ese proceso”. O alcalde barreirense insiste en que “esa obra vai, insisto, desde a Cruz do Lobo ata Reinante no término de Barreiros, que na Deputación lle queiran dar no nome de Trabada a Barreiros, que lle dean o nome que queiran, executen a obra porque está o proxecto aprobado, o único que falta é a adxudicación da obra e todo eso suma 4 millóns de euros. No momento no se aproba un proxecto, Sra.Méndez, hai que consignar partida presupostaria, cousa que estes señores no fixeron, e despois sacar a concurso e adxudicar a unha empresa”.
Alfonso Fuente engade que “si ben é certo que só hai un tramo adxudicado, os outros teñen o proxecto aprobado e polo tanto terían que ter consignación presupostaria e só faltaría que o sacaran a concurso para adxudicarllo a unha empresa. Ese é o proceso que hai seguir e senón o sabe hai técnicos na Deputación que a poden informar, por eso me sorprende ver estas declaracións. Que nos veñan a limpar unhas cunetas para decir que fan traballos en Barreiros, pois tamén invito a Lara Méndez a que sume todas as subvencións que lle concederon a este concello desde que eles están gobernando na Deputación e veremos que só nun ano o goberno de Francisco Cacharro nos deu máis subvencións que nos dous que levan eles na institución provincial. Hai que ser serios e non botarlle a culpa sempre ós alcaldes, informarse un pouco e o único que pido é algo de xustiza e que está aí, os proxectos foron redactados polos técnicos da Deputación e aprobados, non polo Concello”.
O alcalde rexeita as acusacións da vicepresidente da Deputación nas que aseguraba que Alfonso Fuente está a inflar as inversión pendentes en Barreiros. Fuente sinala que “cando di esta señora que se infla o presuposto, insisto en que o proxecto son catro fases. Unha é a que está adxudicada en 1.400.000 euros e as outras tres suman outros 3 millóns de euros. Unha adxudicada e tres sen adxudicar, pero cos proxectos aprobados e cos seus importes aprobados. Non inflo nada, só estou dicindo que a estrada que vai desde a Cruz do Lobo ata Reinante, aínda que o proxecto era ata Os Castros en Ribadeo, suma catro millóns de euros. Que colla os proxectos, que os mire e verá como lle saen as contas”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
