A Rede de Dinamización Lingüística, á que pertence o Concello de Burela, ven de convocar con motivo do Día das Letras Galegas un concurso de cuñas de radio orientadas a promover a lingua propia de Galicia.
‘O galego nas ondas’ pretende reflexionar e valorar positivamente o uso do galego entre a mocidade de Burela; polo que o certame, no que colabora Radio Burela, se dirixe ó alumnado de ESO dividio en dúas categorías: A, matriculados no primeiro e segundo curso da ESO, e B, para o alumnado do segundo ciclo da ESO.
As pezas non deberán exceder os 60 segundos e deberán ser inéditas, estar gravadas en lingua galega e estar orientadas a promover o seu uso e valoración social. Así mesmo, poderán incorporar música, sempre que sexa orixinal ou con licenza creative commons. Só se poderán presentar un máximo de 2 cuñas de xeito individual ou en grupos de ata 4 persoas.
Os ficheiros de audio poderán ser enviados ó Concello, ata o 17 de maio, nun CD no que se indicará o título e a categoría na que compite xunto a un sobre no que se indiquen os datos dos concursantes.
O xurado da fase local determinará dous premios por categoría antes do 10 de xuño e que consisten nun obradoiro de radio impartido en Radio Burea no vindeiro outono.
Posteriormente, os gañadores de cada categoría participarán na fase autonómica entre os Concellos pertencentes á RDL. Nesta fase, os gañadores participarán na realización dun programa radiofónico na Radio Galega coa colaboración de profesionais do medio e un lote de libros.
En calquera caso, o xurado terá en conta o grao de elaboración da mensaxe, a súa orixinalidade e a calidade da lingua; rexeitando calquera mensaxe en que se aprecie carácter discriminatorio ou ofensivo.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
