A Mariña, 16 de abril de 2014. O BNG da Mariña cualifica de vergoñenta a rolda de prensa que o Partido Popular ofreceu o pasado luns en Ribadeo. “Mentres estes señores e señora están vendendo cifras aos medios de comunicación, as gandeiras e gandeiros desta comarca están sufrindo novas baixadas no prezo do leite por parte das empresas que llelo recollen. “Deberían os representantes do PP deixar as cifras para outros momentos e vivir a realidade das nosas explotacións”, sinala a responsábel comarcal Ana Ermida.
“Parécenos unha auténtica vergoña que o Partido Popular veña vender uns resultados como positivos, atribuíndose méritos, cando a realidade é que novamente está baixando o prezo que se lle paga aos produtores de leite”, aseguran desde o BNG. “Se de verdade están preocupados polo sector, o que teñen que facer é ocuparse de garantir un prezo digno e non só de botarse flores cando hai prezos decentes e agocharse cando as cousas van mal.” Neste sentido, os nacionalistas interpelarán aos populares no Parlamento galego para que garantan os prezos e non permitan que a industria volva a impoñer prezos á baixa que poderían volver a supor perdas para as gandeirías. “Se tanto mérito teñen para vir vender os prezos que se estiveron pagando ata agora, tamén terán responsabilidade agora que os prezos comezan a baixar. Por iso queremos que o Partido Popular dea a cara e se responsabilice, garantindo uns prezos que permitan vivir dignamente ás nosas explotacións”, continúa a responsábel nacionalista.
Ademais, a formación nacionalista lamenta que o Partido Popular non defendera en Europa os intereses das gandeiras e gandeiros galegos, apoiando unha reforma da PAC que supón a desaparición das cotas no ano 2015 sen ningún tipo de sistema de adaptación co que evitar as perdas que isto pode supor ás gandeirías galegas, tendo en conta os importantes desembolsos que os gandeiros tiveron que facer para adquirir cota para poder producir. “A única formación galega que defendeu a creación dun fondo de compensación lácteo de adaptación pola supresión das cotas, evitando perdas para as nosas gandeirías, foi o BNG por medio da súa eurodeputada Ana Miranda. Se ben é certo que non nos sorprende esta actitude do PP, cando o seu candidato, o señor Cañete, é claro representante dos terratenentes españois, cuxos intereses son claramente contrapostos aos das explotacións galegas”, aseguran os nacionalistas.
Para tratar estas e outras cuestións, o BNG está preparando un encontro do sector coa eurodeputada e candidata ao Parlamento Europeo, Ana Miranda; que se celebrará a finais deste mes.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
