Ribadeo, 24 de abril de 2014. O Concello cobrará por empregar os baños das Catedrais desde o 1 de xuño ata o 30 de setembro. O obxectivo, segundo explica o alcalde, Fernando Suárez, é reinvertir os ingresos que se obterán con esta medida na compra dos produtos de limpeza que se empregarán para ter os aseos en perfectas condicións e na contratación do persoal que se encargará destas tarefas. A ecotaxa que abonarán as persoas que utilicen os baños das Catedrais será de 0,50 euros. Ao remate deste período experimental si as contas dan superávit ese diñeiro investirase en efectuar melloras na praia.
O rexedor dixo que “mentres seguimos á espera da resposta ás cartas que lles mandei ao presidente da Xunta e ao ministro de Medio Ambiente sobre a situación extrema que está a padecer a praia das Catedrais nestes últimos anos e tempos, desde o Concello de Ribadeo e no ámbito das escasas competencias que temos seguimos a traballar para ofrecer unha imaxe mellor aos milleiros de persoas que nos visitan durante todo o ano, non só na época estival”.
Fernando Suárez insistiu en que “este fenómeno das Catedrais é moi importante para Ribadeo, pero estase a desbordar. Tamén é importante para o Concello porque o custo que temos que asumir para dar un servizo de calidade alí é moi elevado, e ademais durante todo o ano”.
O alcalde ribadense explicou que “o que queremos que os visitantes, ao igual que lles gusta ver unha praia e un entorno limpo tamén precisan duns servizos que non cheiren, que teñan todo tipo de comodidades e de limpeza permanente. Esta iniciativa experimental de cobrar 50 céntimos por utilizar os servizos aquí pode resultar novidosa, pero en calquera punto de Europa é do máis común e do máis habitual”.
Suárez Barcia subliñou que “non pretendemos en absoluto que o Concello de Ribadeo se lucre sen mais, senón reinvertir estes ingresos na contratación de persoal para realizar esas tarefas e tamén dos produtos de limpeza e do material que se precisa para ter durante todas as horas do día iso como se fose un hotel”.
O rexedor ribadense engade que “si temos superávit, aínda por riba, destinaríamos eses cartos a efectuar melloras na praia. Hai que lembrar que o Concello non dispón de nin un só metro cadrado de propiedade, tan só a responsabilidade da limpeza e do socorrismo e tamén a responsabilidade de que isto siga ser un lugar atractivo e non unha feira con incerto resultado final”.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
