A Mariña, 25 de abril de 2014. O BNG reclama representación e capacidade de negociación política directa para poder defender os intereses pesqueiros galegos, a isto chamámoslle soberanía e dereito a decidir sobre os nosos propios intereses. A fronte nacionalista critica o reparto de fondos estruturais desde Madrid e con criterios que en nada benefician aos recursos produtivos galegos. Destacan que a participación galega neste fondos é moi inferior ao peso do sector en Galiza e que estes, en boa parte, foron destinados ao seu desmantelamento.
No ámbito institucional, o BNG reclamará estabelecer un novo estatus institucional para Galiza na UE en materia pesqueira, recoñecendo formalmente o seu carácter como “Zona Altamente Dependente da Pesca”, e posibilitando a súa presenza, con dereito de decisión e obxección, nas institucións comunitarias onde se adoptaren decisións en materia pesqueira.
Defenderanse as competencias da Galiza en materia pesqueira, en ámbitos como o comercial, na determinación de tallas mínimas, artes, capacidade inspectora, ou na fixación de áreas de veda no noso litoral. Reclamarase a derrogación do “Principio de Estabilidade Relativa”, que consagra a discriminación da nosa frota en augas comunitarias, nomeadamente no Gran Sol, e a erradicación dos privilexios que benefician a determinados estados.
Canto aos fondos estruturais, o BNG defenderá, entre outras medidas, a existencia de fondos que permitan:
• A renovación da frota pesqueira, a súa modernización, nomeadamente na frota de baixura, para a súa consolidación e a mellora das condicións de traballo, habitabilidade e seguranza a bordo.
• Reclamarase o acceso a fondos vinculados á mellora do marisqueo, saneamento, depuración, recuperación de zonas de produción e das poboacións do litoral.
• Apoio á pesca artesanal, que quedará exenta dos TAC que se aplicaren ao resto da frota. O seu papel é primordial pola utilización de artes selectivas.
• Canto á regulación dos mercados, defenderase un escrupuloso control das importacións, especialmente ante as prácticas de “dumping” e competencia desleal cos produtos pesqueiros e marisqueiros galegos, co obxectivo de acadar a estabilidade de prezos. Ademais a etiquetaxe de todos os produtos procedentes do mar debe identificar a súa orixe de maneira que se poida identificar a zona específica de captura, tanto nos frescos como nas conservas, conxelados e procesados.
En definitiva o BNG considera que sector pesqueiro galego continúa unha situación de discriminación, formalizada e institucionalizada na Política Común de Pesca (PCP). Normas discriminatorias como o Principio de Estabilidade Relativa continúan vixentes e padecemos medidas coercitivas día tras día: imposibilidade de pescar determinadas especies; despezamentos; cota da xarda. A presenza do BNG no Parlamento Europeo debe ser o garante para rematar con esa historia de marxinación, defendendo o principio básico de igualdade para garantir a viabilidade deste sector produtivo.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
