A Mariña, 28 de abril de 2014. A eurodeputada e candidata do BNG ao Parlamento Europeo visitará mañá novamente a comarca da Mariña. Nesta ocasión estará na explotación gandeira da Casa da Granda, na Rilleira, en Barreiros; onde se reunirá con gandeiras e gandeiros da zona para falar sobre a reforma da PAC, a desaparición das cotas do leite o vindeiro ano e as últimas baixadas no prezo do leite que está sufrindo o sector. A visita será ás 17h. e, desde o BNG, convidan a asistir a todas as persoas que teñan relación co sector ou interese en compartir esta actividade co BNG.
A continuación, a candidata nacionalista desprazarase ata Ribadeo para manter un encontro con persoas relacionadas co sector turístico, no que tamén tomará parte o Alcalde ribadense, Fernando Suárez. Neste encontro, analizarán de primeira man co sector a situación do turismo na comarca da Mariña, as súas potencialidades e capacidades de crecemento partindo do aproveitamento sustentábel dos recursos patrimoniais, culturais e naturais da nosa comarca. Desde o BNG, sinalan que “nas últimas datas vimos como unha das praias mais coñecidas e visitadas de Galiza, a praia de Augas Santas ou As Catedrais en Ribadeo, sufría e xa é algo usual, unha invasión de visitantes que de non proceder á súa protección e ordenación pode acabar provocando danos no areal e mesmo accidentes indesexados.” No mesmo sentido, a formación nacionalista aposta por que os recursos e capacidades dos que dispón a nosa comarca, conten cunha planificación para o seu aproveitamento, posta en valor e a necesaria protección como bens indispensábeis para atraer visitantes e consecuentemente recursos económicos e emprego.”
O BNG asegura que “A Mariña é unha comarca con grandes potencialidades e que podería gozar dun desenvolvemento económico envexábel se os seus recursos (turísticos, agro-gandeiros ou forestais, entre outros) foran aproveitados e postos en valor polos distintos gobernos. É fundamental que as administracións se impliquen para que A Mariña poida garantir o seu futuro, porque somos unha comarca forte, con recursos e con xente disposta a sacala adiante, sempre que existan políticas que nos deixen desenvolver e poñer a funcionar os recursos.”
Neste sentido, desde o BNG levan defendido nas distintas institucións e tamén no Parlamento Europeo, por medio de Ana Miranda, protección para o espazo da praia de As Catedrais, como aproveitamento turístico ou un fondo de compensación leiteiro para o momento de desaparición das cotas, que tanto prexuízo pode causar no sector leiteiro galego.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
