O PP de Burela celebrará seis actos durante a campaña das eleccións europeas

Burela, a 6 de maio de 2014.- O Partido Popular de Burela celebrou este luns, tal e como tiña previsto, unha xuntanza de afiliados previa á campaña electoral das eleccións europeas, na que a dirección local informou sobre a organización e planificación de actos electorais.

O PP de Burela, segundo o portavoz da Agrupación Local, José Luis Lois Losada, “explicará o seu traballo e o programa electoral do partido prácticamente como o fixo sempre, barrio a barrio, porta a porta”
O portavoz da Agrupación Local manifestou que “o partido tén fixados xa seis actos electorais, cinco deles seguindo o formato de reunións por barrios, como facemos habitualmente, e un sexto de carácter máis masivo”. O portavoz popular tamén indicou que “tamén se fará entrega de material informativo noutros lugares e momentos, como por exemplo no mercado semanal dos venres”.

Lois Losada afirmou que “os lugares, datas e horarios dos actos están tamén pechados, e faranse públicos cando o comité provincial de campaña os refrende, xa que podería xurdir algún cambio por cuestión de axenda das persoas coas que contamos para estes actos”.

A Agrupación Local do PP burelés tamén constituiu un comité de campaña, formado por tres persoas, que será o encargado de coordinar todo o traballo a realizar de cara ás eleccións europeas.

Durante o transcurso da xuntanza tamén se abordaron outros asuntos que afectan á vida política municipal.