O Burela FS Pescados Rubén repetiu despregamento goleador na 28ª xornada de Primeira División coa visita a Vista Alegre do serio Queralt Gironella. Gran formulación de Quico Otero e contundente triunfo ante un grande equipo que outorga ás mariñás tres novos puntos de ouro na recta final da liga, con catro dianas da pichichi laranxa, Peque, e dobrete de Bea Mateos.
Os goles non se fixeron esperar na bomboneira, que xa foi testemuña da vantaxe burelista no primeiro minuto de xogo, con xogada persoal de Bea Mateos pola banda, culminada con regate ao bordo da área. As catalás non se amilanaron ante un Burela FS que demostrou ganas e acerto desde o asubío inicial e subiron o empate no minuto 5, coa firma de Pilar, aproveitando unha perda galega. No entanto, tan só un minuto despois, Peque valíase dun balón despexado pola meta barcelonesa, tras contraataque iniciado por Lidia, para subir o 2-1. A falta de 5 minutos para o descanso, Bea Mateos, de vaselina, volvía facer gala do seu olfacto goleador para ampliar con 3-1.
O segundo período renovou o tempo do partido con máis resistencia da portería rival para as pupilas de Quico Otero. Foi de novo a arquigoleadora burelista, Peque, a encargada de facer as delicias de Vista Alegre, co 4-1, que conseguiu superar a meta barcelonesa, tras pase de Maite. Inmediatamente, o Gironella reaccionou apostando por porteira-xogadora, na tentativa de dar a volta ao marcador. Sen poder xerar perigo sobre os paus defendidos por Patri e xa recuperado o xogo de catro para as catalás, Peque adornou a vitoria laranxa, con dobre aparición, no 38, a pase de Claudia, e a falta de 5 segundos para o final, auxiliada por Bea, para finalizar co 6-1 definitivo.
Ficha técnica
Burela FS Pescados Rubén: Patri, Peque, Bea Mateos, Daniela, Claudia, cinco inicial; tamén xogaron Lidia, Silvia, Lara, Maite e Paula
Queralt Gironella: Raquel, Anna Riera, Celia, Berta, Ingrid, cinco inicial; tamén xogaron Noe, Miriam, Ingrid Carrillo, Claudia, Lydia e Pilar
Goles: 1-0, minuto 1, Bea Mateos; 1-1, minuto 5, Pilar; 2-1, minuto 6, Peque; 3-1, minuto 15, Bea Mateos; 4-1, minuto 28, Peque; 5-1, minuto 38, Peque; 6-1, minuto 40, Peque
Árbitros: Manuel Dans // JM Carreira (A Coruña)
Tarxetas: Por Burela FS tarxeta amarela a Maite; por Gironella a Celia e Claudia
Incidencias: Partido correspondente á 28ª xornada de Primeira División RFEF. Arredor de 200 espectadores. Durante o descanso o conxunto Xuvenil e o Infantil A saltaron á pista tras o seu recente título da liga provincial de Lugo, así como o Alevín, como subcampión de Lugo, para recibir as felicitacións do club, coa presenza do presidente, Manuel Blanco, e o directivo José Ángel Dovale.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
