Barreiros, 21 de maio de 2014. O Concello mellora a información aos veciños sobre o servizo municipal de abastecemento de auga. A partires de agora os usuarios recibirán unha factura bimestral na que se inclúen os datos sobre o consumo e o custe, entre outras cousas. O alcalde, Alfonso Fuente, sinala que deste xeito “Barreiros se pon ao nivel doutros concellos de maior entidade”.
O rexedor explica que “no Concello de Barreiros vimos de presentar o que é a nova factura da auga e de sumidoiros. Non é un recibo a maiores, senón que ata o de agora desde o Concello non se enviaba esta información aos cidadáns. A eles só lles chegaba o recibo co cargo do banco ou ben un aviso para vir pagar a factura en man, por iso cremos oportuno que todo o mundo ten que recibir os datos, o que é o recibo en sí, para que saiban o que vai para cada un, para que vexan tamén que hai unha parte que factura o Concello e o outra parte, que é o canon da auga, que a factura Augas de Galicia. Na factura tamén aparece o número de contador, o número de contrato, consumo de auga, tipos impositivos, etc. É unha información moi ampla que todos os cidadáns debemos ter á nosa disposición”.
Fuente Parga indicou que “a emisión destas facturas ten un custe, que asume o Concello, xa que non se lle repercute aos veciños e veciñas de Barreiros. Penso que esa información é moi positiva tanto para o que o poida deducir fiscalmente, como para calquera cidadán en xeral que queira coñecer todos eses datos. Tamén deste xeito pretendemos actualizar a información, xa que pode haber titulares dos contratos que estean obsoletos, que sexan antigos, e así deste xeito pódense renovar. E xa no reverso dese documento aparecerán informacións diversas, coma neste caso da primeira factura, sobre o fomento da igualdade entre homes e mulleres, a discriminación ao maltrato, ou novas relativas á redución dos consumos de auga, etc”.
O alcalde cre que “este era un servizo que non se estaba a prestar en Barreiros e desde agora nos poñemos ao nivel ou incluso por diante doutros concellos de moita máis entidade e damos toda esta información”.
A factura de auga de Barreiros foi presentada hoxe polo rexedor, Alfonso Fuente Parga, e polo edil de Medio Ambiente, José Manuel Gómez Puente.
Compostaxe doméstica
O Concello barreirense organiza a segunda xornada sobre compostaxe doméstica. Será mañá, 22 de maio, a partires das 17 horas no local social de Vilamartín Grande-Cabarcos.
Segundo explicaba hai uns días o concelleiro de Medio Ambiente, “a intención da xornada é reducir a produción de lixo nos fogares de Barreiros. Ademais ensinarémoslles aos interesados como se fabrica e como se utiliza o compost resultante de todo o proceso”. O edil popular subliñou que “os asistentes á xornada deben ser veciños de Barreiros. Os que acudan recibirán gratuitamente un composteiro e tamén poderán participar na viaxe que faremos á plata de Sogama, en Cerceda, o vindeiro 9 de xuño”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
