Lugo, 29 de maio de 2014.- O presidente do Partido Popular de Lugo e voceiro do PP no Senado, José Manuel Barreiro, destacou este xoves que tralos últimos comicios electorais, o PP incrementou na provincia a distancia cos socialistas, ademais de sumar máis votos que PSOE, BNG e AGE xuntos.
Barreiro fixo fincapé nestes datos durante a reunión do Comité Executivo Provincial que tivo lugar esta tarde na sede do PP provincial co obxecto de facer balance dos resultados das eleccións europeas nas que o PP foi a forza máis votada ao gañar os comicios en Lugo con máis do 42% dos votos.
Dunha maneira máis concreta, o popular explicou que a súa vantaxe sobre os socialistas na provincia é de 18,8 puntos; ademais “obtivemos 4.923 votos máis que a suma de PSOE, AGE e BNG”, o que fai que “ademais de ser a forza política con maior respaldo dos lucenses, con estes resultados tamén obteríamos unha maioría absoluta”.
Ante esta análise, o popular explicou que “non se está ante un tema menor, se temos en conta por un lado o contexto socioeconómico no que se deron estas eleccións e cuxa crise obrigou ao goberno Central a tomar medidas dolorosas e pedir sacrificios moi grandes”. Por outro lado, Barreiro destacou que José Ramón Gómez Besteiro, quen preside a Deputación ademais de ser líder dos socialistas “unha vez máis volveu a perder de xeito estrepitoso as eleccións”.
O peso do PP na provincia
Así, ante os membros do Comité Executivo Provincial e do secretario do PP lucense, José Manuel Balseiro; Barreiro analizou os resultados por municipios e asegurou que se gañaran os comicios en 60 dos 67 concellos lucenses; sendo polo tanto a cuarta provincia de España con mellores resultados. Estes datos permiten facer, segundo Barreiro, unha primeira análise “satisfactoria” e máis tendo en conta que no caso de extrapolar os datos poderíase asegurar que “o PP recuperaría a Deputación e obtería ata 16 deputados”.
Os datos manifestados poñen de relevo o peso do PP na provincia. Porén, Barreiro tamén reincidiu na necesidade de facer un esforzo e detectar as causas que provocaron unha baixada de 10,4 puntos con respecto ás anteriores eleccións europeas. O popular explicou que esta baixada é debida ao descenso no censo; así como ao incremento de votos en branco e da abstención con respecto ao 2009. Porén, estes votantes, segundo matiza Barreiro, non se van a outras forzas políticas. “As forzas de esquerda na provincia de Lugo non medraron con respecto as europeas de 2009”, recalcou. “Necesitamos facer un esforzo para detectar a causa que provoca esta baixada, e saber onde fallamos”; analizou.
Agradecemento
Do mesmo xeito, José Manuel Barreiro aproveitou a ocasión para agradecer tanto o traballo desenvolvido polo membros do partido como pola confianza que unha vez máis os lucenses depositaron no PP. A maiores, explicou que a análise feita hoxe na sede provincial, realizarase por distintos puntos da provincia a través de reunións con cada un dos representantes locais “para coñecer cales son as causas que deron mellores ou peores resultados ao longo da provincia”.
Ante isto, o presidente anunciou a posta en marcha inmediata de toda a maquinaria co obxecto de conseguir a confianza maioritaria dos lucenses nas próximas municipais e recuperar deste xeito os votos daqueles que optaron pola abstención.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
