A Coruña, 12 de xuño de 2014.- Este xoves chegou á Coruña o novo radar Pegasus que permitirá controlar desde o aire a velocidade nas estradas, principalmente as vías convencionais, que son as que rexistran maior sinistralidade. Este radar súmase aos dous existentes e irá instalado nun dos helicópteros da DXT. Desta forma cubrirá principalmente a zona noroeste da Península (Galicia, Castela e León, Asturias e Cantabria) desde as bases da Coruña e Valladolid, aínda que poderá sobrevoar outras estradas de España cando sexa necesario.
Este novo radar, do mesmo xeito que os seus antecesores, está dotado dun mecanismo e un software incluído na cámara de vixilancia que levan os helicópteros de Tráfico, de modo que capta a velocidade dos vehículos, ademais de poder detectar outras infraccións desde o aire.
BALANCE DE FUNCIONAMENTO
Desde que se puxo en marcha o primeiro radar Pegasus, en marzo de 2013, ata o pasado 30 de maio, realizáronse 498 horas de voo, controlouse a velocidade de 9.960 vehículos e denunciouse a 1.778 condutores por circular a unha velocidade superior á permitida.
A velocidade media á que circulaban os condutores dos vehículos denunciados era de máis de 30 km/h por encima á estipulada na vía. Aínda así, a velocidade máxima detectada e denunciada nunha estrada con límite de 120 km/h foi de 232. En estradas con límite de 100 km/h detectouse un vehículo a 195 km/h e no caso de estradas limitadas a 90 km/h, a velocidade máxima á que foi interceptado un condutor foi de 162km/h.
Estes excesos de velocidade supuxeron a perda 1.360 puntos aos condutores denunciados, destacando que a 24 deles, ese exceso de velocidade supúxolles a perda de 6 puntos (infracción moi grave).
Os radares Pegasus constan de dous cámaras, unha panorámica que facilita o seguemento e captación da velocidade e outra de detalle que ten un obxectivo que permite ler a matrícula do vehículo chegando ata a poder detectar velocidades de ata 360 km/h.
Tal e como estipula a Lei, o novo radar foi verificado e homologado polo Centro Español de Metrología, organismo dependente do Ministerio de Industria, Enerxía e Turismo.
Este tipo de radares resultan operativos ata a 300 metros de altura e a unha distancia en liña recta co vehículo controlado dun quilómetro tal e como se puido comprobar nas imaxes que periódicamente facilitamos aos medios.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
