CERVO .- Os nacionalistas do BNG de Cervo solicitan o apoio da corporación para “a liberación do dique norte do peirao de San Cibrao”; esta iniciativa enmarcase dentro da “campaña iniciada polo BNG para a creación dun porto comercial na Mariña”, aseguran e matizan que desde fai anos veñen facendo esta petición ” tanto con gobernos no Estado do PP como do PSOE, sen que até o momento se vira cumprida esta reivindicación que dende o BNG consideramos estratéxica para o futuro da comarca”.
Nota de Prensa
CERVO
O BNG PIDE POR SEGUNDA VEZ O APOIO DA CORPORACIÓN PARA A LIBERACIÓN DO DIQUE NORTE DO PEIRAO DE SAN CIBRAO.
A iniciativa forma parte da campaña iniciada polo BNG para a creación dun porto comercial na Comarca da Mariña.
O BNG defenderá no Parlamento Español unha Proposición Non de Lei dirixida a lograr este obxectivo.
O BNG ven reclamando dende fai anos a liberación do dique norte do peirao de San Cibrao, tanto con gobernos no Estado do PP como do PSOE, sen que até o momento se vira cumprida esta reivindicación que dende o BNG consideramos estratéxica para o futuro da comarca.
Débese ter en conta que a posta en funcionamento do dique norte, tal como consta en diferentes estudos e anteproxectos elaborados, nalgúns casos por organismos públicos, significaría habilitar un peirao de atraque de 500 metros ao longo do dique norte que permitiría a entrada de mercantes de 62.000 toneladas implicaría un investimento do arredor de 9 millóns de euros. Neste sentido hai que ter en conta que no Porto de San Cibrao nos últimos 10 anos a Autoridade Portuaria Ferrol-San Cibrao recadou 18,8 millóns de euros, case 2 millóns de euros anuais, o que permitiría que a actuación se financiase con fundos propios.
O Porto de San Cibrao, hoxe limitado ao seu dique sul, xenera o 47,5% da cota total de negocio da Autoridade Ferrol-San Cibrao, agora ben co actual sistema tarifario definido a nivel estatal aproximadamente a metade dos fundos recadados en concepto de canóns e taxas polas diferentes Autoridades Portuarias son absorbidos directamente por Portos do Estado, para o chamado Fundo de Compensación, o que representa un auténtico espolio para o conxunto dos portos galegos de interese xeral , que fican cun 40% do recadado e que a súa vez son prexudicados polo reparto efectuado do fundo de compensación que recae nun 80% nos portos de Bilbao, Barcelona, Valencia e Algeciras.
A posta en funcionamento e a liberalización do dique norte de Alcoa ten un carácter extratéxico para o conxunto do norte galego, na medida que nos conecta coas autovías marítimas europeas, permite superar a situación de excentralidade do Cantábrico galego e opera de imán e palanca para a totalidade do noso tecido produtivo. A transferencia a Galiza dos Portos de Interese Xeral vai moito máis ala de por fin ao espolio que representa o actual modelo tarifario estatal, xa que significa pór en valor o sistema portuario galego a través da súa racionalización e especialización mediante a conformación dun pool que se aproveite da posición privilexiada de Galiza en relación co tránsito marítimo internacional.
Após a aprobación nos concellos da Comarca, na Deputación Provincial e no Parlamento galego de iniciativas encamiñadas a liberación para uso comercial deste porto, é evidente a unidade de tódalas forzas políticas galegas pola liberación deste porto polo que ao goberno do Estado xa non lle caben maiores dilacións para o inicio de negociacións coa multinacional Alcoa, que fai uso exclusivo deste porto, de cara á súa liberación.
Ao BNG xa non lle serven os compromisos incumpridos por parte de diversos altos cargos do PSOE na provincia; é o momento de tomar decisións polo que agardamos a aprobación no Parlamento Español da proposición non de lei presentada polo BNG e a consignación nos orzamentos do Estado para 2009 das partidas económicas necesarias para a súa execución.
Asdo.: Xoán Antón Estúa García
Concelleiro portavoz do BNG.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
