Foz, a 20 de xuño de 2014.- O BNG de Foz presentou unha moción na que insta ao Alcalde e ao Grupo de Goberno a que proceda a rexistrar no seu Inventario de Bens todos os camiños de natureza pública e que estes aparezan reflectidos no Plan Xeral de Ordenación Municipal (PXOM) en tramitación así como actuar urxentemente naqueles casos en que haxa posibles ou previsibles apropiacións indebidas de camiños ou sendeiros considerados públicos ou que poidan ter dito carácter de uso e titularidade pública.
Para o BNG, asistimos desde hai tempo a un malestar xeneralizado entre os veciños e as veciñas do noso Concello pola conflitividade que presenta o uso de espazos de dominio público, fundamentalmente referidos aos camiños públicos. A maioría destas queixas refírense á invasión de camiños públicos producida por construcións privadas, fundamentalmente naquelas zonas do noso Concello de máis presión urbanística ou onde desenvolvemento da construción é mais desordenada así como pola realización de muros ou peches que non retranquean a distancia esixida do eixo do camiño, perturbando o seu uso público. Nalgúns casos estes sucesos foron motivo de denuncias e procedementos xudiciais.
Para o Bloque Nacionalista Galego, coa revisión e actualización do inventario dos camiños públicos, trátase de pór en marcha os mecanismos necesarios para evitar nun futuro situacións que hoxe xa son irreversibles e que coa vontade política suficiente se puideron ter evitado, porque á marxe das dificultades da determinación da natureza pública ou privada dos camiños, a responsabilidade da situación creada en Foz é consecuencia do incumprimento por parte do Concello da obrigación legal de inventariar todos os bens que lles pertenzan, tanto públicos como patrimoniais. Debido a esta desidia e irresponsabilidade casualmente vai a este mesmo pleno a iniciación dun expediente de investigación sobre a titularidade municipal dun camiño na parroquia de Cangas, que foi incoado por uns particulares que están a facer o labor que debería ter feito o Concello e o Goberno Municipal e que non fixo e ter que poñer ata fianza para defender un máis que probable ben público.
Así, o Artigo 278 da Lei da Administración Local de Galiza establece que: “As entidades locais están obrigadas a formar inventario valorado de todos os bens ou dereitos que lle pertenzan, así tamén como dos bens pertencentes aos organismos autónomos que dependan delas.(…)”. No mesmo sentido o Artigo 86 do Texto Refundido de Réxime Local sinala que: “As entidades locais están obrigadas a formar inventario valorado de todos os bens ou dereitos que lle pertenzan, do que se remitirá copia ás Administracións do Estado e da Comunidade Autónoma e que se rectificará anualmente, comprobándose sempre que se renove a Corporación”. Sobre esta cuestión vaise abondar nos artigos 17 e seguintes do Regulamento de Bens das Entidades Locais, facendo particular referencia as vías públicas no seu Art.20 g) no que se recolle: ”Tratándose de vías públicas, no inventario deberán constar os dados necesarios para súa individualización, con especial referencia aos seus límites, lonxitude e anchura”.
Neste sentido, o BNG xa presentara unha moción que foi aprobada por unanimidade en sesión plenaria do 26 de decembro de 2006. Daquela aprobación, como en moitas outras ocasións, non saíu nada positivo porque quen debería aplicar a súa execución -os distintos gobernos municipais que mandaron no noso concello- non fixeron practicamente nada ou case nada ao respecto. Como consecuencia desa falta de actuación atopámonos case oito anos despois cos mesmos problemas de titularidade e de inseguridade xurídica que daquela sen estar -como a lei indica- todos os camiños públicos inventariados, situación que o BNG quere cambiar e clarificar.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
