Mondoñedo, 25 de xuño de 2014.- O Concello de Mondoñedo ven de firmar un acordo cos Concellos de Riotorto e A Pastoriza para a prestación de servicios propios do Centro de Información ás Mulleres que se une ó xa existente desde o ano 2006 cos Concellos de Lourenzá e de Abadín.
Ditos acordos veñen motivados pola necesidade que existe entre a poboación feminina dun servicio de asesoramento integral e especializado, que inclúe asesoramento xurídico, atención psicolóxica e información de recursos laborais, formativos e sociais, e a dificultade de acceso ós mesmos debido á distancia entre poboacións. Así pois, técnicas do Centro de Información ás Mulleres do Concello de Mondoñedo desprazaranse ós Concellos indicados nuns días previamente fixados e que proximamente se darán a coñecer, de modo que a súa atención poda ser prestada de maneira directa e inmediata. Ademais desta atención individualizada, tamén se contempla a posibilidade de realizar actividades complementarias como poden ser obradoiros, charlas ou cursos de formación, entre outras.
En calquera caso, trátase de optimizar os recursos existentes e aforrar custos en beneficio dos Concellos e da súa poboación, xa que desta maneira o CIM de Mondoñedo facilitará a súa atención a quen por razóns económicas ou sociais non dispón da posibilidade de desprazamento e os Concellos veranse beneficiados por un servicio do que actualmente non dispoñen.
Cabe destacar tamén a colaboración técnica e económica dos Concellos asinantes dos acordos, xa que contribúen ó mantemento do servicio cunha aportación económica proporcional ó servicio que reciben e poñen a disposición do CIM as instalacións e medios necesarios para a súa función.
Finalmente, informar que o CIM do Concello de Mondoñedo está dispoñible tamén á atención das persoas que o demanden pertencentes a Concellos limítrofes co que non existe convenio (Foz, Alfoz, O Valadouro…), e que por diversos motivos prefiran acudir a Mondoñedo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
