González Barcia considera unha “moi boa nova” para os bureleses e mariñáns a vindeira adxudicación do Plan Director do Hospital da Costa

Burela, 15 de xullo de 2014. O alcalde, José Mª González Barcia, considera unha moi nova para os bureleses e mariñáns a vindeira adxudicación do plan director do Hospital da Costa.

O rexedor dixo que “a noticia da próxima adxudicación do plan director do Hospital da Costa é unha moi boa nova para os cidadáns de Burela e para os de toda a comarca, porque significa un paso máis no cumprimento do compromiso adquirido no seu día polo presidente da Xunta, Alberto Núñez Feijoo, para ampliar o hospital de Burela”.

González Barcia lembrou que “outros no seu momento con máis dispoñibilidade económica negáronse en rotundo a levar a cabo a ampliación do centro sanitario. Eses mesmos que no seu día se negaron a ampliar o hospital son os que hoxe seguen criticando todo o que se fai no hospital, incluso a posta en marcha de servizos como o de quimioterapia básica, como se cando eles gobernaban non existisen enfermos que precisasen quimioterapia”.

“Como alcalde, estou completamente seguro de que o compromiso do presidente da Xunta vaise levar adiante atendendo ás expectativas e ás necesidades do centro hospitalario”, engadiu o alcalde burelés.