Santiago de Compostela, 17 de xullo de 2014. O portavoz de Pesca do Grupo Socialista, José Ramón Val, advertiu este xoves dun “presunto acto de prevaricación administrativa” por parte da Xunta nunha recente concesión de axudas para a paralización da actividade pesqueira.
Val explicou en rolda de prensa que o pasado 15 de abril publicáronse no DOG as bases para a concesión dunhas axudas para a paralización de actividade de buques pesqueiros, cun orzamento de 13.299.400 euros e cofinanciadas nun 75% co Fondo Europeo de Pesca.
“Agora vemos que vinte dos trinta posibles buques beneficiados da lista provisional son palangreiros de superficie, cando o seu plan de axuste rematou o pasado 31 de decembro, debido a que o secretario xeral do Mar, Juan Carlos Maneiro, envioulles unha circular posterior á publicación das bases oficiais das axudas”, afirmou o deputado socialista.
“Trátase dunha actuación fraudulenta, xa que unha circular non pode modificar as bases oficiais das axudas e determinados palangreiros de superficie presentaron a solicitude antes de recibir o documento do secretario xeral, polo que podemos estar nun caso de información privilexiada”, apuntou José Ramón Val.
O portavoz de Pesca socialista considera que “a Xunta do PP ten que explicar cales foron os criterios utilizados, por que beneficiou ao palangre de superficie cando o seu plan de axuste rematou en decembro de 2013 e como é posible que unha circular deixe sen efectividade unha orde oficial de axudas con fondos europeos”.
“A decisión da Xunta é nula a dereito e vulnerou os principios de transparencia, obxectividade e igualdade de oportunidades, favorecendo a buques que xa non podían optar ás axudas”, rematou.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
