A Mariña, 18 de xullo de 2014.- O deputado do Grupo Popular e Secretario do Parlamento de Galicia, Jose Manuel Balseiro, salientou o acordo adoptado polo Consello da Xunta no día de onte que permitirá que as oito Escolas infantís da rede da Xunta na comarca (A galiña azul) apliquen desde setembro a exención total do pago a partir do segundo fillo que acuda ao mesmo centro.
Os beneficiarios serán as familias con menos recursos, en concreto, aquelas que dispoñan dunha renda pér cápita igual ou inferior a 7.500 euros anuais. Así mesmo, os menores con medidas administrativas de tutela ou garda en situación de acollemento familiar poderán beneficiarse tamén desta actuación na exención do pagamento.
Balseiro explicou que a exención no pagamento a partir do segundo fillo que acuda á mesma escola infantil forma parte das actuacións recollidas no Plan para a dinamización demográfica de Galicia 2013-2016, aprobado no Parlamento de Galicia o ano pasado co obxectivo de acadar a recuperación demográfica de Galicia.
A iniciativa do Goberno galego está destinada especificamente a apoiar as familias e, especialmente, a aquelas persoas que deciden ter dúas ou máis fillas ou fillos, xa que estas familias son as que están a facilitar o relevo xeracional establecido en 2.1 filla ou fillo por muller en idade fértil.
A decisión contribúe, ademais, a reforzar a aposta da Xunta por facilitar ás familias a conciliación da vida familiar e laboral.
COMARCA DA MARIÑA
Na actualidade a rede de Escolas infantís que contan co apoio da Xunta na Mariña lucense ascende a oito centros, situados nos concellos de Alfoz, Burela, Foz (2 escolas), Mondoñedo, O Valadouro, Ribadeo e Viveiro
Esta rede viuse incrementada nos últimos catro anos, ao pasar de 379 prazas á actual oferta de 481, sumando 102 prazas máis a disposición das familias da comarca con fillos menores de 3 anos, isto é un aumento de máis dun 100%. Así mesmo, o Goberno galego ten en planificación outra nova escola para esta comarca, en Burela, que contará con 41 prazas.
Ademais da oferta pública en escolas infantís, a Xunta oferta o cheque infantil para preto ás familias que se queden sen praza na rede pública. Trátase dunha axuda económica para axudar a financiar a escola privada que escollan.
Na actualidade, as prazas sustentables con fondos públicos (escolas da Xunta, municipais, de iniciativa social subvencionadas e o cheque infantil) ascenden a 19.201 en Galicia.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
