Lugo, 18 de xullo de 2014.- O Grupo Provincial do Partido Popular explica que coa aprobación este venres en Xunta de Goberno das subvencións destinadas a gastos correntes do Servizo de Axuda no Fogar na modalidade de prestación básica (SAF Básico), a Deputación Provincial de Lugo continúa a asentarse nunha política de insensibilidade e de castigo aos maiores e dependentes ao deixar durante este 2014 e, “un ano máis”, ao descuberto como mínimo un 84% do Servizo de Axuda no Fogar.
Os populares explican que a contía total que se consigna nas diferentes subvencións concedidas maniféstase de novo insuficiente para garantir a prestación dos servizos sociais na provincia e non garante que a Deputación cumpra co mínimo competencial que se regula na normativa en vigor, o decreto 99/2012 de 16 de marzo.
Deste xeito, dende o GPP lamentan que as decisións da Deputación obriguen aos veciños e aos Concellos a cubrir o custo do SAF ante a política de “insensibilidade” dos responsables institucionais Besteiro (como presidente da Deputación) e Veiga (como deputado que asume competencias de benestar). “Socialista e nacionalista aférranse a non dar cumprimento a esta normativa, preferindo deixar, incluso, sen gastar a partida destinada a benestar tal e como aconteceu na anualidade de 2011”.
Só un de cada 16 euros
“Só un de cada 16 euros, será o que achegue a Deputación Provincial de Lugo durante o 2014”, reiteraron os populares, ao que engadiron que esta porcentaxe de colaboración da Deputación probablemente se volva máis inferior cando se analicen os datos en relación co custo total que supuxo o servizo a finais de ano.
Os populares realizan a comparativa do que aporta a Deputación este ano para o SAF 2014 respecto ao custo total do servizo durante a pasada anualidade, porén, a contía do Servizo de Axuda no Fogar na modalidade de prestación básica a finais de 2014, previsiblemente sexa moi superior respecto ao 2013. “O incremento do servizo entre 2012 e 2013 foi de 1,5 millóns de euros”, exemplificaron os populares.
Análise por comarcas
A análise polas distintas comarcas, ao comparar o que lles destina esta anualidade a Deputación de Lugo aos concellos que integran cada unha delas respecto ao que custou o servizo durante o 2013; permítelles aos populares reprobar de novo os incumprimentos de Besteiro e Veiga dado que en ningunha chegan a cubrir o 20% do SAF.
Así, os populares explican que na comarca da Mariña a Deputación de Lugo Provincial de Lugo deixa ao descuberto o 84% do servizo. “Achegarán este ano pouco máis de 220.000 euros, fronte ao 1,4 millóns que euros que superará o orzamento do SAF na Mariña”, explicaron os populares.
Nas comarcas da Terra Chá e Meira a Deputación non chegará ao 85,87% e ao 82,99% dos gastos, respectivamente. “Estamos a falar dun servizo que custará máis de 700.000 euros na Terra Chá e máis de 93.000 en Meira, cando a Deputación aporta pouco máis de 100.000 euros a todos os municipios chairegos e 15.000 aos de Meira”.
Os datos, segundo os populares, se cabe, son máis negativos na comarca de Lugo onde a Deputación deixa ao descuberto o 87,94%; en Sarria o 78,84% e na Ulloa o 86,52%. Dunha maneira máis concreta, dende o GPP explican que na comarca de Lugo o SAF suponlle aos concellos e usuarios máis de 250.000 euros, mentres a Deputación só achega 30.000; na Ulloa achega uns 36.000 do total que pode superar os 260.000 euros; e en Sarria tamén aprobou 30.220 para un orzamento por riba dos 142.000 euros.
Na zona da montaña a administración provincial deixa ao descuberto o 81,56% do servizo nos distintos concellos dos Ancares e o 80,09% nos da Fonsagrada. No 2013 o orzamento do SAF nos Ancares foi de 207.059, a Deputación este ano achega 38.177; mentres que na Fonsagrada foi de 212.405 e a administración provincial aprobou neste 2014, 41.283 euros.
Por último, a situación é similar en Chantada cuxa axuda da Deputación non chegará ao 80,35% do custe; en Lemos non o fará ao 80,1% e en Quiroga ao 82,26%. “Na comarca de Chantada estamos a falar dunha achega de 33.000 euros para un servizo que superará os 170.000; na de Lemos a aportación é de 108.659 cando o orzamento será por riba dos 540.000; e en Quiroga 12.394 fronte a máis de 69.000 euros do custe do servizo.
A Deputación adebeda aos concellos máis de 5,4 millóns do SAF durante 2012 e 2013
A Deputación adebeda aos concellos da provincia máis de 5,4 millóns do SAF durante 2012 e 2013, unha cifra que irá en aumento; ao finalizar este ano.
Ante esta situación, os populares fixeron reivindicacións constantes para que a Deputación cumprise co decreto; atopándose sempre coa negativa do PSOE e do BNG que asenta a Deputación de Lugo na única administración provincial galega que non cumpre con este servizo.
Orzamentos participativos
O Grupo Provincial do Partido Popular considera que tanto Besteiro como Veiga teñen agora a oportunidade a través da elaboración dos orzamentos participativos de darlle cumprimento a demanda en materia de benestar que en reiteradas ocasións lle pediron tanto o PP coma os veciños.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
