Lourenzá, 18 de xullo de 2014. O BNG de Lourenzá denuncia a pésima xestión levada a cabo polo concello con respecto ás obras do Museo e Centro de Interpretación da Cultura dos Pazos Galegos. O que xa hai anos comezara a xestionarse en Lourenzá froito da colaboración do goberno municipal, daquela encabezado polo señor Vidal Martinez Sierra, e a propiedade do pazo, pasa agora a ser un risco inminente para a estabilidade orzamentaria do concello.
Vaia por diante o apoio do BNG ao goberno laurentino do agora exalcalde Vidal Martinez Sierra cando este iniciou os trámites precisos para levar a cabo unha actuación que consideramos axeitada, como é a de por en valor o Pazo de Tovar xunto coa súa historia dentro dun dos marcos máis fermosos e incomparables de toda a mariña de Lugo como é o val de Lourenzá. Pero isto non é excusa para non pedir responsabilidades ao equipo de goberno actual encabezado pola alcaldesa Émma Álvarez Chao e o tenente de alcalde Dino Vidal García.
Unha irresponsabilidade que pode incrementar en case 100.000 € a débeda do Concello
Lembremos que dita obra inicialmente orzamentada en 165.000 € estaba previsto fora financiada aproximadamente nun 7% con fondos municipais, nun 33% por fondos achegados pola propiedade privada do pazo e un 60% pola Xunta de Galiza a través do AGADER. A día de hoxe o certo é que o AGADER (Xunta de Galiza) xa iniciou oa trámites para pedir ao concello a devolución íntegra da subvención aducindo textualmente que unha vez finalizadas as obras e nunha visita de control efectuada polos técnicos do AGADER puidose comprobar como o museo non se encontraba operativo nin equipado para conseguir a súa finalidade última recollida no pliego de condicións co cal non se cumprían as bases da convocatoria. Isto implicaría a devolución dunha subvención cifrada en 98.000 € que o concello tería que devolver en cargo aos seus orzamentos. A día de hoxe o concello de Lourenzá ten interposta unha alegación que certamente parece difícil que prospere.
O BNG de Lourenzá esixe que se depuren as responsabilidades
Os nacionalistas Laurentinos tamén queren lembrar a existencia doutro dato que mostra actuacións canto menos de dubidosa ética por parte do goberno municipal como é o feito de que a redacción do proxecto e a dirección de obra moi curiosamente fose encomendadas a un familiar directo do Concelleiro de Obras e Persoal do concello de Lourenzá.
Dende o BNG de Lourenzá consideranse estes feitos como de extrema gravidade e demostran unha vez máis a falla de supervisión e control do equipo de goberno local que parece non estar no importante e preocuparlle máis cobrar os seus salarios ou colocar á familia no concello. Ao entender dos nacionalistas laurentinos existen responsabilidades que deben aclararse de inmediato á vez que apuntan que o concello non pode ser unha ferramenta ao servizo do partido Popular para colocar á familia e tapar con fondos públicos os erros técnicos e administrativos do goberno local.
A deficiente ou máis ben nula xestión do equipo de goberno respecto ao seguimento e evolución do proxecto e as súas repercusións poderían implicar un revés económico de consideracións moi importantes segundo o BNG para un concello xa de por si bastante abafado polo Plan de Axuste. No BNG local consideran que todos estes feitos e sucesos supoñen un incumprimento moi grave das funcións da alcaldía ou da concellería de obras, xa fose na súa función de supervisión das obras ou na función de supervisión da dirección de obra e esixen que se depuren as responsabilidades de todas aquelas persoas implicadas na xestión deste proxecto.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
