Outro ano máis a asociación cultural focense A Pomba do Arco inicia as súas xornadas de historia local. Serán catro días dedicados a dar a coñecer un pouco máis a historia do concello de Foz e por ende da Mariña luguesa na Casa da Cultura “Poeta Manuel María”, do concello de Foz, os días 28, 29, 30 e 31 de xullo ás 20.30 horas.
O día 28 comezarán as xornadas ca posta en escena da obra de teatro “De vello gaiteiro”, unha comedia escrita no ano 1929 por don Manuel Lugilde Penelas, que exercía de mestre en Foz. A primeira vez que se representou foi o 30 de novembro de 1929 no teatro Rosalía de Castro de Foz, 70 anos despois, en 1999, o grupo de teatro da Pomba do Arco poñía de novo en escena esta obra. Actualmente corresponde esta labor ao grupo focense de teatro Pico do Castro, que dan a esta obra uns tinxes máis actuais sen perder a graza e a esencia da obra estreada no 1929. Algo característico desta obra é que foi composta en Foz e representada sempre por xente de Foz.
O día 29 o profesor Filipe Senén dará unha charla titulada Celtas e bretóns na Mariña lucense, na que nos falará amplamente da implantación do celtismo na nosa comarca así como da presenza de bretóns nestas terras. Tendo en conta isto abordará en profundidade temas como bispo Maeloc e o seu asentamento na actual parroquia de Bretoña e tamén falará do Mosteiro Máximo e a súa vinculación ca actual Basílica de San Martiño de Mondoñedo.
O día 30 o profesor Xosé María Leal Bóveda falaranos do ciclo do pan e dos distintos tipos de hórreos do concello de Foz. Charla esta que aporta datos novidosos sobre os distintos tipos existentes na mariña e sobre todo dos que no concello de Foz se conservan. Tamén abordará temas relativos á colleita, conservación e manufacturación de algo tan cotidiá como necesario, o pan.
O día 31 rematarase ca proxección do audiovisual “La guerra de Severo”, documental no que se recolle a vida e as andanzas do derradeiro guerrilleiro republicano, Adolfo Lucas Reguilón, ao que en Foz se coñecía como o mestre don Bernardo, pois baixo ese nome falso estivo vivindo e traballando na súa profesión de mestre de nenos en Foz varios anos, ata que no ano 1956 foi detido pola garda civil no lugar de Mañente. Unha emocionante vida recollida nun ameno documental que merece a pena visionar.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
