Un vento novo percorre Galicia e o estado español. Iniciativas cidadás abrollan en vilas e cidades co obxecto de tomar o poder do noso destino. O “non nos representan” berrado fai xa 3 anos polas asembleas do 15M ten cristalizado no convencemento da poboación de que só acadando o poder de xeito directo poderemos facer a limpeza que precisan as nosas estruturas políticas e administrativas. Só a través dun mandato compartido entre representantes e representados, suxeito a estritos controis de transparencia, comunicación e revogación, poderemos garantir que os nosos dereitos e intereses serán defendidos axeitadamente nos diferentes foros.
A creación das estruturas, os mecanismos de participación e o papel das forzas políticas acompañantes nun proceso deste tipo están aínda por ser deseñados, e cómpre traballalo entre todos, de xeito local, atendendo as peculiaridades de cada concello, con tempo. Por iso, se queremos (algo que tamén deberemos decidir entre todos) gobernar e xestionar o noso concello a partir de maio do 2015, temos que comezar a traballar xa na creación das mesmas e cara á formación dunha candidatura alternativa cidadá.
As xentes de Ames Novo levan anos pensando e facendo sobre cooperación entre as forzas políticas e entidades sociais. Co obxecto de aprender da súa experiencia organizamos o acto “Construíndo unha plataforma cidadá cara ás municipais: a experiencia de Ames Novo”, no que Pilar Candocia -concelleira e portavoz-, Quique Costa -coordinador- e Chus Boo -membra da coordinadora- presentarán e debaterán en Ribadeo o vindeiro mércores día 30, ás 20:30 na Casa do Mar a iniciativa de confluencia política e cidadá que están a promover no concello de Ames cara ás municipais do 2015.
Convidamos á veciñanza interesada e a todos os colectivos e asociacións cidadás para que atendan e participen neste acto, que quere ser o punto de partida para unha proposta similar en Ribadeo. E facemos extensivo o convite ás forzas políticas que estean dispostas a impulsar sen controlar, apoiar sen dirixir e acompañar sen tutelar, e a integrarse sen sectarismos e cooperar en pé de igualdade na procura dun Concello ao menos igual de solidario, galego, feminista e defensor do público ca hoxe, pero máis transparente, participativo, sustentable e aberto ás propostas e demandas da súa cidadanía.
Grupo de Apoio a AGE de Ribadeo.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
