A música e a poesía son formas sublimes de expresión; a relación é tal que a segunda represéntase pola lira, que é instrumento musical, e a voz humana é medio armónico por excelencia. De nengún outro xeito o individuo transmite de maneira mais personal e fidedigna nen maior sentimento, a mensaxe envolvida na beleza poético-musical. A música traza imaxes ideais; é compañeira na ledicia e bálsamo na dor. O canto grupal é expresión da alma do pobo: é un dos ámbitos que posibilita a participación expresiva e creativa. O coro é instrumento colectivo, unha forma de identificación comunitaria.A breve divagación ven a glosar un feito histórico da nosa sociedade que ten que ver cos conceptos expresados: hai 30 anos en Foz, sen apenas precedentes na cultura do canto coral producíase o achegamento ó mesmo, en base a un existente coro parroquial, serme do magnífico colectivo que hoxe tanto nos honra pola península e por Europa adiante.
O ribadense Antonio López García foi o primeiro director da coral, ata que a enfermidade fixo presa nel e, aínda despois a paixón pola música e a vontade, fixeron que permanecese ó fronte do elenco. Pero tivo que desistir para, pouco despois da homenaxe que lle ofreceran os compañeiros, deixarnos. Da súa faceta de compositor gardamos con especial querencia dúas obras: “Soniña”, melodía/lamento, concebida dende a dór inmensa, nunca superada, da dramática experiencia da perda de ser tan amado: ¡¡ a filliña…!!; e a habanera “Es Foz”, fermoso e delicado canto ó noso pobo. Lembranzas para él e a súa bonomía.
O timón estaba garantido na persoa de Carmen Alonso, muller de ampla vagaxe cultural, amante da música e de outras artes, activa, dinámica, de acusada personalidade que coas magníficas voces que nutren o conxunto, e a meritoria entrega e o esforzo de todos e cada un deles, acadan as mais altas cotas artísticas e son punteiras entre as corais da nosa terra. De Carmen, a directora, a poeta Olimpia Pérez, dixera: “ La música en tus labios juguetea ;/ puliendo y dirigiendo con ardor / has logrado, Carmiña, que al fin sea / una bella coral con nuevo albor”. ¡A polas Vodas de Ouro!.
Suso Fernández
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
