O Presidente, José Ramón Gómez Besteiro, presentou este mércores o novo servizo de asesoramento gratuíto cidadá para aforrar na factura da luz, que pon en marcha o organismo provincial de xeito inmediato, converténdose na 1ª Deputación en Galicia con esta prestación. Gómez Besteiro subliñou que “ofrecemos este novo servizo ante as continuas subas na luz do Goberno Central, a situación de desinformación na que se atopan os cidadáns, así como debido ós abusos que sofren por parte das eléctricas. Hai que ter en conta que a factura eléctrica en España incrementouse nun 63% nos últimos anos. España xa é o 3º país da Unión Europea coa luz máis cara. Galicia é a Comunidade española cos prezos máis caros do combustible. Levamos máis de 1 ano, esperando a que Feijóo poña en marcha políticas contras os monopolios”.
O gasto medio na luz por domicilio ascende xa ós 775 euros ó ano. Tendo en conta que en Lugo hai preto de 136.000 vivendas, segundo datos do INE e excluíndo as segundas vivendas, os lucenses pagan ó ano máis de 100 millóns de euros pola luz. “Este gasto é maior, posto que debemos engadir os custes da luz nos Concellos, onde a media, nun municipio de menos de 5.000 habitantes, é doutros 200.000 euros anuais”, destacou.
Prestacións
“Ante esta situación, que fai imprescindible o aforre de gastos na luz, e conscientes de que a información é a mellor defensa para os consumidores”, o titular provincial apuntou as prestacións que, de xeito individualizado e gratis, ofrece a Deputación:
1.- Información sobre o mercado eléctrico, as principais variables do sector ou as particularidades do consumo cidadán.
2.- Análise da factura eléctrica con fin de detectar posible erros ou defectos, colaborando, no caso da súa existencia, na tramitación de avisos, queixas ou suxerencias.
3.- Asesoramento sobre as posibles medidas para reducir custes e optimizar o subministro, tendo en conta os hábitos de consumo. Por exemplo, con novos tipos de tarifas, cambiando a potencia eléctrica contratada ou implantando mecanismos de baixo consumo.
4.- Tramitación de bonos sociais, que poden solicitar persoas coas rendas máis baixas, para acadar un desconto de ata o 25% na luz.
5.- Seguimento personalizado de todas as consultas realizadas. A intención é coñecer o funcionamento das medidas asesoradas de cara ó éxito deste servizo
Funcionamento do servizo
Tres técnicos da Axencia Provincial da Enerxía, que está no 2º andar da Deputación, atenderán todas as consultas, de xeito presencial, ou ben a través de teléfono ou correo electrónico. Para unha mellora atención individualizada, é necesario pedir cita previa. Pódese facer no 982 26-01-13 ou en asesoria.facturacion@deputacionlugo.org. Nestes mesmos canais, tamén se atenderán as consultas. O horario de atención é de luns a venres, de 09:00 a 14:00 horas e de 16:00 a 20:00 horas.
Aforro de custes ós Concellos
A Deputación ofrece este servizo de asesoramento gratuíto para o aforre de custes eléctricos ós cidadáns tras poñer en marcha outras programacións, dirixidas a todos os Concellos da provincia:
– 37 municipios lugueses decidiron sumarse, de xeito voluntario, ó Plan Enerxético da Deputación, aforrándolles un total de 2 millóns de euros, ó asumir todos os custes, a diferenza do plan de Xunta, que obriga ás entidades locais a pagar o 30% dos gastos. O organismo provincial fíxose cargo dos custes das auditorías enerxéticas, que fixeron técnicos da Axencia Provincial da Enerxía, así como dos gastos da adquisición e instalación dos novos compoñentes enerxéticos para reducir a factura enerxética.
– 43 Concellos lugueses sumáronse, de xeito voluntario, ó Plan de análise da facturación eléctrica, co que os municipios poderán reducir estes custes ata nun 20% ó ano. Técnicos da Axencia da Enerxía están, actualmente, a facer unha rigorosa análise da facturación eléctrica dos Concellos para, posteriormente, facer propostas de optimización da contratación para reducir custes. As entidades locais benefícianse dunha medida que a propia Deputación xa implantou nas súas instalacións, e coa que acadou un aforro anual de preto de 123.000 euros, o que supuxo un 25% menos de gasto na facturación eléctrica.
– Creación da Guía de Boas Prácticas para a Compra Verde, que a institución luguesa puxo a disposición dos Concellos, empresas e cidadáns en xeral. Esta guía verde, que se atopa publicada na páxina web da Deputación (www.deputacionlugo.gal) para consulta de todos os interesados, pódese adquirir gratis no Pazo de San Marcos. Esta iniciativa busca fomentar a contratación de bens e servizos respectuosos co medio ambiente para minimizar o impacto ambiental, reducir o consumo enerxético e aforrar gastos correntes.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
