Cervo, 31 de xullo de 2014- O grupo de goberno presentará estar tarde en pleno ordinario (20 h.) unha moción urxente sobre o polígono de Cuíña. No texto, o equipo de goberno reclamará “unha vez máis” que a Deputación “remate os accesos ao parque empresarial que levan 8 anos bloqueados”, tal e como explica o tenente de alcalde, José Manuel Balseiro.
O voceiro do goberno local argumenta a urxencia da moción tendo en conta o accidente que tivo lugar esta semana, no que un camioneiro resultou ferido e tivo que ser hospitalizado mentres buscaba os accesos ao polígono.
“A Deputación non está tomando en serio a necesidade de contar con estes accesos, e está pechando os ollos ante un problema grave de seguridade das persoas”, asegura Balseiro. Nesta ocasión as consecuencias da falta de accesos foron máis graves, cun ferido evacuado ao hospital, pero o tenente de alcalde non esquece outros problemas que se veñen rexistrando continuamente e que tamén afectan á seguridade.
Un exemplo é o tráfico constante de vehículos de grande tonelaxe polo casco urbano de San Ciprián. “A única maneira de entrar no polígono é circulando polo centro da vila, cos perigos que iso implica” especifica Balseiro.
Unha situación que xera problemas de seguridade, xa que os camións circulan por diante de lugares como o centro de saúde ou o instituto; sen esquecer que hai zonas, como a ponte sobre o tren en San Ciprián, polas que os camións de grandes dimensións non poden pasar, o cal xa ten provocado que algún quedase atrapado. Tamén é importante destacar a necesidade de dispoñer duns accesos axeitados para dinamizar e impulsar o tecido empresarial no polígono.
Por estes motivos, o grupo de goberno proporá a adopción do seguinte acordo: “O Pleno da Corporación municipal de Cervo acorda instar á Deputación de Lugo a incorporar nos orzamentos provinciais para o ano 2015 unha partida económica coa dotación suficiente para a execución e remate completo das obras da estrada de acceso ao polígono industrial de Cuíña”.
Unha moción que o voceiro do goberno agarda que “conte co apoio unánime de todos os grupos da corporación para que, xuntos, podamos facer forza e cumprir cunha reivindicación histórica coa que a actual Deputación non está sendo sensible”, remata Balseiro.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
