Ribadeo, 4 de agosto de 2014. O alcalde, Fernando Suárez, fixo unha valoración moi positiva de todas actividades que se desenvolveron a pasada fin de semana en Ribadeo: a festa do percebe de Rinlo, o Trofeo Emma Cuervo de fútbol e a Xira a Santa Cruz.
O rexedor realizou “unha valoración moi positiva de tódolos eventos e todas as actividades que tivemos aquí en Ribadeo nesta fin de semana e ao mesmo tempo, con moitísima xente que cada vez, e cada ano, nos visita en maior número. A festa do percebe de Rinlo foi un éxito a pesares da choiva, que houbo momentos, sobre todo a finais da tarde en que choveu de maneira bastante intensa. Destacou en Rinlo que todo o mundo, tanto restaurantes coma as propias percebeiras, venderon todo o produto e foi unha regalía ver tanta xente nesta parroquia que está medrando dende o punto de vista turístico dende fai uns anos a esta parte”.
Fernando Suárez tamén aludiu ao Trofeo Emma Cuervo de fútbol, que disputaron o sábado o Sporting de Gijón e o CD Lugo: “estivo o campo practicamente cheo, cunha afluencia de xente tanto galega coma asturiana que estivo animando neste encontro, que xa é o vicedecano dos trofeos de verán. E coma non, onte na Xira de Santa Cruz, a pesares tamén da choiva, que en algúns momentos, sobre todo pola mañá era pouco menos que de diluvio, celebrouse con total normalidade, sen ningún tipo de incidente, e todo foi moi ben”.
O alcalde achegouse esta mañá á oficina de turismo da vila “onde dende as 10 da mañá xa a xente facía cola para pedir información sobre Ribadeo, sobre qué facer, sobre qué ver, sobre ónde comer e un largo etcétera. É unha marabilla ver coma Ribadeo está destacando de maneira moi importante e sobranceira no que ten que ver co turismo, e co turismo certamente de calidade. Dende logo, non é en van todo o traballo que estamos facendo dende fai uns anos a esta parte”. Fernando Suárez considera que “a xente valórao, e ven aquí con boa impresión e iso é o que intentamos facer por moitas partes: polos comerciantes, polos hostaleiros, que sei que lles está indo razoablemente ben aínda que loxicamente cada quen falará da feira segundo lle vai, e tamén dende o Concello de Ribadeo, que con todos os erros que poidamos ter estamos traballando entre todos os traballadores municipais, dando o mellor de nós mesmos para que a xente se sinta cómoda aquí en Ribadeo. Para que falen ben de nós, para que volvan, e para que lle falen de nós a outras persoas, para que sigan vindo a este concello marabilloso coma é o de Ribadeo”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
