Burela, 5 de agosto de 2014. José María González Barcia, alcalde de Burela, valorou este martes de maneira “moi satisfactoria” os datos de asistencia recollidos o pasado fin de semana en Burela, tanto na Feira do Bonito como en Produart. Barcia afirmou que o cambio de horario na degustación do bonito funcionou e adiantou que a maioría de expositores de Produart xa solicitaron reserva de espazo para participar de novo na vindeira edición desta feira artesanal e ecolóxica en 2015.
O rexedor sinalou que “a valoración que facemos dende o goberno municipal deste primeiro fin de semana de agosto, que se ten constituído coma un dos referentes xa non para a nosa localidade, senón para o conxunto de toda a comarca, é altamente satisfactoria”. González Barcia afirmou que “unha vez máis a Feira do Bonito ten demostrado o seu tirón. A proba que se fixo sobre trasladar a súa degustación dende a última hora da tarde coma se facía antes, ata mediodía parece que funcionou. E isto non o dicimos nós, senón que o di a propia organización. Polo tanto, no que se refire a trixésima edición da Festa do Bonito, creu que saíu todo tal e coma estaba previsto.”
Sobre Produart, o alcalde manifestou que “un ano máis este evento ten demostrado tamén o seu tirón. Aínda que os artesáns igual non tiveron tantas ventas, o que si é certo é que os postos e expositores destinados a produtos de alimentación saíron francamente contentos. Segundo as valoracións que nós recollemos o último día da feira a maioría dos expositores estaban francamente satisfeitos e moitos deles, practicamente todos, pediron reserva de espazo para o 2015”.
José Mª González Barcia cre que “a hostalería funcionou de forma máis que aceptable durante todo o fin de semana e a presenza de xente en Burela foi notable e notoria. Por tanto, dende o Concello o que temos que facer é recoñecer o traballo feito para que todo isto fose así. Por un lado agradecerlle a Ledicia unha vez máis o seu esforzo para sacar adiante a Festa do Bonito, e por suposto a eses máis de cen colaboradores voluntarios que fan posible que a festa sexa o que é. E por outra parte, agradecerlle tamén aos expositores que estiveron presentes en Produart a súa presenza en Burela durante o fin de semana.”
O alcalde resaltou que “dende o Concello, como dende a propia fundación Expomar, seguiremos traballando cóbado con cóbado coas persoas e entidades que organizan estes eventos para que o vindeiro ano poidamos repetir o éxito, que sen dúbida houbo este ano.”
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
