Cervo, 12 de agosto de 2014- O alcalde de Cervo, Alfonso Villares, o edil de Zona Rural, José Ramón Soto e o responsable do GES de Cervo, Mario Antuña, mantiveron este luns unha segunda reunión cos apicultores para tratar de frear a expansión de avespa asiática no municipio.
Unha xuntanza na que os representantes municipais escoitaron as impresións dos propietarios das colmeas e amosaron o seu compromiso á hora de traballar para reducir a poboación de vespa velutina. Ao mesmo tempo, o Concello repartiu uns 60 equipos para loitar contra esta especie, compostos de trampas e atraentes. Uns materiais que o Concello financiou ao cen por cen con fondos propios.
Os responsables municipais explicaron aos asistentes todos os detalles do procedemento, como o funcionamento das trampas ou como o lugar recomendado para a súa colocación. De feito, o Concello ten previsto facer un seguimento e celebrar máis reunións para coñecer os resultados e a efectividade destes dispositivos á hora de atrapar os exemplares de vespa velutina e analizar a súa evolución.
O obxectivo do Concello con estas medidas é complementar as accións que xa está desenvolvendo a Xunta de Galicia “unindo esforzos para conseguir que esta especie invasora deixe de ser unha ameaza para a poboación de abellas” tal e como explica Soto. Da mesma maneira o edil de Zona Rural lembra que aqueles apicultores de Cervo que non asistisen á reunión poden solicitar trampas e atraentes poñéndose en contacto coa Concellería.
Soto quixo chamar á tranquilidade da poboación xa que, segundo explicou, a avespa asiática non implica un maior risco para o ser humano que a autóctona, aínda que si é especialmente virulenta coas abellas.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
