LUGO .- A Deputación citou a 26 empresas da provincia adicadas ás novas tecnoloxías para informarlles do programa europeo Innova-TE, destinado á creación de emprego na provincia a través da implantación das TIC na institución provincial e nos Concellos da provincia.
NOTA DE PRENSA
A Deputación cita ás empresas TIC da provincia para informarlles do programa europeo Innova-TE
– O organismo provincial, tendo en conta que se trata dunha iniciativa sen precedentes en Lugo, intentará buscar as maiores garantías no momento da contratación
– Gómez Besteiro destaca que “o inicio do programa ten que ser como a chave en man, é dicir, un coche que o encendes e funciona á primeira, e non vai por partes”.
O Presidente da Deputación, José Ramón Gómez Besteiro, citou a 26 empresas da provincia adicadas ás novas tecnoloxías para informarlles do programa europeo Innova-TE, destinado á creación de emprego na provincia a través da implantación das TIC na institución provincial e nos Concellos da provincia. Gómez Besteiro destacou que “nos reunimos cos empresarios de Lugo para darlles conta deste programa que creará valor engadido á provincia e xerará riqueza”.
Neste senso, o titular provincial subliñou que se trata dunha iniciativa sen precedentes na provincia e “coa que intentaremos buscar as maiores garantías no momento da contratación. O programa ten que ser coma a chave en man, é dicir, un coche que o encendes e funciona á primeira, e non vai por partes”.
Deste xeito, a Deputación pretende evistar casos como os doutras Comunidades Autónomas na que se adxudicou o proxecto a moitas empresas, obtendo como resultado que se perdesen fondos e ter que repetir as contratacións en numerosas ocasións véndose mermados os presupostos orixinais.
Programa Innova-TE
O programa Innova-TE está destinado á creación de emprego a través da implantación das novas tecnoloxías e da Sociedade da Información nos Concellos da provincia. Para a posta en marcha do proxecto a Deputación conta co compromiso e apoio financieiro do Ministerio de Administracións Públicas e da Unión Europea. Este proxecto será clave para a provincia e nace coa vocación de ser unha referencia estatal e coa finalidade de crear emprego e garantir a implantación das novas tecnoloxías tanto nos Concellos como na propia Deputación.
Dos proxectos presentados desde o organismo provincial é o que conta cun maior presuposto. En total, 9.095.000 euros, dos que o 70% serán financiados por fondos FEDER e o 30% polo INLUDES. Por outra banda, Innova-TE tamén será unha ferramenta básica para promover a cohesión do territorio en todos os Concellos, localidades e lugares, posto que os cidadáns disporán do acceso ás novas tecnoloxías independentemente do lugar no que se atopen. Comprende os 66 municipios da provincia, agás o de Lugo, e dará cobertura a 261.323 habitantes.
O proxecto conta con 3 liñas de actuación: promoción económica, creando emprego e novos nichos laborais; fomento da sociedade da información; e dotación de equipamentos necesarios para a participación da cidadanía. Contempla a creación da Administración Electrónica, ou o que é o mesmo, a e-Administración, tanto na Deputación como nos Concellos, de equipamentos informáticos en toda a provincia, conectividade inalámbrica nas dependencias municipais, sinatura electrónica nos Concellos e realización de pagos e transacións e consultas persoais a través da rede.
O proxecto tamén inclúe a creación dunha rede de portais wifi no ámbito da provincia, ademais da creación dun centro virtual de asesoramento empresarial e dun plan de seguemento e avaliación do proxecto no momento do comezo, durante e ó remate do mesmo.
En canto ós resultados que se pretenden acadar, a Deputación estima os seguintes: o 85% no nivel de interacción das webs dos Concellos en canto á información xeral, o 60% na descarga de formularios xenéricos, o 40% na consulta de información personalizada e o 40% na realización do pago e transacción completa.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
