Lugo, 27 de agosto de 2014.- A Deputación Provincial de Lugo aprobou en Decretos de Presidencia do mes de agosto o abono de facturas por un importe superior aos 235.000 euros nas que a administración continúa a ocultar o concepto en virtude do cal a institución realiza o pago.
Os populares reproban esta carencia no detalle informativo dos decretos de ordenación de pagos que emite o organismo, que se está a dar dende que o destino dos fondos que figuraban nas facturas deu lugar a importantes polémicas, como foi o caso da confirmación dun pago autorizado por Besteiro con diñeiro público para comidas correspondentes a citas congresuais da UXT.
Queixa ante o Valedor do Pobo
O GPP lembra que o seis de febreiro de 2014 presentou unha queixa ante o Valedor do Pobo tras que Besteiro mudase, coa intención de facelos máis opacos, os detalles das facturas, xa que antes si que incluía o concepto en virtude do cal se realizaban as liquidacións (nome, data, número de factura, importe e concepto).
O 19 de xuño; o Valedor do Pobo deulle a razón ao Grupo Provincial do Partido Popular e emprazou á Deputación a mellorar a práctica no terreo da transparencia e a facilitar o acceso rápido á información relevante, como instrumento do exercicio do dereito de información dos deputados provinciais.
A Deputación segue a facer oídos xordos ao Valedor do Pobo
A día de hoxe, a Deputación de Lugo continúa a desobedecer ao Valedor do Pobo sen poder o Grupo Provincial do Partido Popular fiscalizar a onde destina a administración os fondos públicos dos lucenses; e cando só no mes de agosto, se está a falar dun importe superior aos 235.000 euros.
Esta situación precisouna o propio Valedor do Pobo ao asegurar que “esa necesidade de pedir os expedientes por non contar co dato indicado pode levar a ter que reclamar moitos deles para coñecer o seu detalle, o que podería ser interpretado como unha iniciativa de control desproporcionada, algo que se descarta de forma directa coa anterior práctica, máis acorde co principio de fácil acceso na implantación de prácticas de transparencia informativa”.
Polo tanto, mentres que Besteiro, quen de xeito reiterado intenta presumir de transparencia; a realidade deixa en evidencia prácticas escurantistas; que dificultan de xeito reiterado a responsabilidade de control de goberno do Grupo Provincial do Partido Popular.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
