Mondoñedo, 05 de setembro de 2014.- O Partido Popular de Mondoñedo asegurou este venres que o incendio sufrido na tarde de onte na zona da Rocha vén a confirmar as advertencias dos populares sobre a perigosidade que entraña o abandono e o descoido tanto de espazos, como de inmobles públicos municipais.
Esta localización do entorno do cemiterio vello é un foco de inseguridade dado a maleza que a invade dende fai anos ante a falta de actuacións de limpeza e de roza por parte do bipartito do Concello. O Partido Popular de Mondoñedo solicitou a través dunha moción o adecentamento desta zona, pero ao parecer, lamentan os populares, o PSOE e o BNG esperan a que acontezan desgrazas para actuar.
Neste senso, os populares agradecen a actuación inmediata dos servizos de emerxencias xa que a falta de rapidez provocaría que a matogueira existente se convertese nun importante foco de expansión do incendio iniciado no alpendre. “Estase ante unha zona ubicada ao lado do casco histórico, polo que as consecuencias poderían chegar a ser moito maiores”, aclararon dende o Partido Popular.
Nin limpan, nin vixían
Os populares apuntan tamén que a falta de actuación por parte do equipo de goberno local non se resume só na inexistencia de limpeza na zona; senón tamén na carencia de control.
O Partido Popular explica que o alpendre no que se deu o incendio, que todo apunta a que é de titularidade municipal, serve de lugar de encontro entre a xuventude, tanto que alí se albergaban mesmo colchóns e sofás. Polo tanto, é necesario unha maior garantía de seguridade e máis tendo en conta que se puido ver afectada xente moza.
“Pagámoslles para que manteñan coidado o pobo”, di o PP
Os populares consideran “vergoñento” o estado que presenta a zona da Rocha, o que cualifican de “non permisible”. “Os mindonienses están a pagar dúas dedicacións exclusivas, para que atendan as responsabilidades de goberno e manteñan en bo estado os espazos e as dependencias municipais”; matizaron dende o Partido Popular
Os populares advertiron en tempo e forma
Ademais de urxir en pleno o adecentamento do entorno do parque do Cemiterio Vello “ao consideralo inseguro e perigoso”; o Partido Popular tamén solicitou “de xeito urxente” ao bipartito mindoniense un calendario de desbroces tanto no casco urbano como no rural.
O equipo de goberno de Mondoñedo dispón dos medios necesarios para realizar estas labores, xa que a maiores da brigada de incendios a administración local tamén conta cun tractor municipal. “Só a desidia, a falta de preocupación e a inexistencia de traballo por parte do PSOE e do BNG son as responsables de circunstancias como a dada na tarde de onte”, matizaron dende o Partido Popular.
Neste senso, os populares refiren a moitas outras zonas que presentan un importante estado de abandono e nas que se pediron actuacións, sen ser atendidas ata o de agora. Como exemplo, o PP cita o espazo habilitado para aparcamentos detrás dos xulgados, sobre o que hoxe en día medra a herba, sen realizar labores de limpeza.
A maiores, os populares tamén lembran que en reiteradas ocasións urxiron a posta en marcha dun plan de emerxencias de “imperiosa necesidade tanto para o rural como para o casco urbano, debido sobre todo as características da localidade, que facilitan a propagación dos incendios”, lembraron dende o Partido Popular.
“Por que non actuou ata agora o equipo de goberno local?”, pregúntanse dende o Partido Popular, “a caso hai que esperar a que se dean feitos como o incendio da Rocha?”, concluíron dende o PP.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
