Lourenzá, 11 de setembro de 2014. Os veciños de Lourenzá poden apuntarse ata o vindeiro mércores 17 de setembro en calquera dos tres cursos que oferta o Concello para a vindeira tempada. O primeiro deles está destinado a aquelas persoas inscritas no réxime agrario, aos seus familiares, ou a desempregados que desexen mellorar os seus coñecementos en materia de informática. O segundo tamén ten carácter formativo e está dirixido ás persoas que formen parte destes tres mesmos colectivos e queiran formarse na manipulación de produtos fitosanitarios.
A terceira actividade, ó contrario que as dúas anteriores, non ten carácter gratuíto e cumpre unha función lúdica. Trátase dun curso de baile de salón a nivel básico, tanto para maiores coma para nenos de máis de 3 anos. Tal e como explicou a alcaldesa laurentina, Emma Álvarez Chao, estas actividades levaranse a cabo sempre e cando se conte cun número mínimo de 15 inscricións. Os interesados poden facer efectivas as súas matrículas na Oficina Técnica de Emprego do Concello, ou recibir información no teléfono 982.12.10.06.
A rexedora municipal anunciou que “a día de hoxe temos aberto o prazo no Concello de Lourenzá para anotarse en dous cursos de formación e un lúdico. Os de formación son de informática, que terá unha duración de 30 horas, e de aplicador manipulador de produtos fitosanitarios, que terá unha duración de 25 horas. Ambos cursos van dirixidos a aquelas persoas que estean en réxime especial agrario e ós conxugues ou fillos destes e a desempregados. A data límite para anotarse é o próximo mércores, 17 de setembro, e hai que dicir que estes cursos só se farán no caso de que haxa un mínimo de 15 persoas interesadas. Tamén queremos aclarar que estes cursos terán carácter gratuíto”.
Emma Álvarez engadiu que “tamén mantemos aberto o prazo para inscribirse no curso de baile de salón que o Concello de Lourenzá pon en marcha en colaboración coa escola de baile deportivo e de salón Goldance. O curso levarase a cabo un día a semana nas dependencias do Concello e versará sobre clases de baile de festa e de salón, que serán impartidas por profesores titulados na máxima categoría que existe en baile deportivo. Tamén teñen intención de dar clases de baile a nenos a partir de 3 anos, sempre e cando haxa xente interesada. Para anotarse a este curso tamén está aberto o prazo ata o mércores 17 de setembro, aínda que neste caso a actividade si terá un custe que deberán asumir directamente os interesados coa escola de baile”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
