Lugo, 11 de setembro de 2014.- A delegada territorial da Xunta, Raquel Arias, sinalou este xoves que o desenvolvemento económico da provincia está ligado “ao aproveitamento sostible do medio ambiente”. Así o expuxo durante a presentación do V Congreso Galego de Medio Ambiente e Saúde, que se celebrará en Lugo entre os días 13 e 16 de outubro.
Arias apuntou que “a explotación sustentable dos recursos naturais” é o factor diferenciador que pode dar impulso á nosa economía, “non so pola nosa dependencia dos produtos do agro e forestais senón tamén pola riqueza paisaxística que favorece o turismo e que todos nos esmeramos en preservar”, afirmou.
Acompañada polo organizador do congreso, Francisco Peña; o alcalde, José López Orozco, e a deputada provincial Sonsoles López Izquierdo, a delegada subliñou a importancia deste evento “para un territorio como o noso, xa que facer repaso do estado da saúde ambiental dunha maneira periódica é fundamental para non desviarse do camiño correcto e para coñecer o potencial de actividades ligadas ao medio natural capaces de producir emprego, renta, saúde e benestar na poboación”.
O congreso terá lugar no salón de actos do edificio administrativo da Xunta e contará coa participación dunha trintena de expertos. A conferencia inaugural correrá a cargo de Federico Mayor Zaragoza, director xeral da Unesco durante 12 anos e presidente da Fundación Cultura de Paz.
En paralelo ao congreso desenvolverase o LIV Curso de Saúde Ambiental. Ambos proxectos forman parte do Programa Galego de Municipios Saudables e Sostibles 2000-2014 e contan xa cunha longa traxectoria. Así, polas aulas destes cursos –que se celebran de xeito itinerante polos municipios galegos- levan pasado preto de 1.400 estudantes e profesionais, converténdose nun referente para ambientalistas de toda España e do norte de Portugal.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
