Lugo, 21 de setembro de 2014.- O excalde de Lourenzá e actual deputado autonómico, Vidal Martínez-Sierra non optará á reelección como máximo dirixente local do partido no Congreso que os populares laurentinos celebrarán o venres 17 de outubro, segundo comunicaron desde a dirección provincial.
Así o explicou Martínez-Sierra nunha xuntanza que mantivo co presidente provincial do PPdeLugo, Xose Manuel Barreiro e o secretario xeral dos populares lucenses, Jose Manuel Balseiro e na que deu conta da súa intención de propiciar a renovación da presidencia local para centrarse na súa tarefa como deputado autonómico.
Martínez-Sierra quen explicou que esta decisión “non supón un adeus” á política local, senón “un paso atrás” para proseguir co proceso de renovación emprendido coa súa saída da Alcaldía, sinalou que seguirá colaborando e achegando a súa experiencia e traballo en defensa dos seus veciños, desde outras responsabilidades.
O parlamentario quixo agradecer moi especialmente o apoio, lealdade e traballo desenvolvido polas persoas que lle acompañaron nas executivas do Partido Popular local ao longo destes últimos anos así como no Concello, e agradeceu con intensidade a confianza que en cada proceso electoral depositaron nel e no seu equipo, os veciños de Lourenzá, simpatizantes e afiliados.
Desde a dirección provincial do PPdeLugo só tiveron palabras de agradecemento para o presidente local saínte así como puxeron en valor o traballo tanto orgánico como institucional desenvolvido por Vidal Martínez-Sierra, hoxe unha voz imprescindible da Mariña no Parlamento de Galicia.
O PP de Lugo explicou que o mes próximo terá lugar un Congreso local no que todos os afiliados poderán escoller de xeito directo aos novos responsables do partido en Lourenzá e sinalou que, coa decisión de Martínez-Sierra, dá comezo un proceso precongresual que implica, segundo os estatutos, a presentación da nova candidatura, un novo equipo que debe situar como obxectivo principal a renovación e consolidación da maioría popular nas vindeiras eleccións municipais.
PRESIDENTE DA COMISIÓN DE AGRICULTURA E MONTES
Nacido en Sao Paulo (Brasil) no ano 1960, Vidal Martínez-Sierra é Licenciado en Veterinaria E pertence ao corpo superior facultativo da Xunta. Foi alcalde de Lourenzá desde o ano 1997 ata o ano 2012, sempre con maioría absoluta. Foi tamén xefe territorial da Consellería do Mar en Lugo ata o ano 2010.
Na actualidade foi elixido deputado no Parlamento de Galicia, nos últimos comicios autonómicos, institución onde preside a Comisión 7ª, de Agricultura, Alimentación, Gandaría e Montes. Ademais na Cámara autonómica é membro da Comisión 8ª de Pesca e Marisqueo e da Comisión de Asuntos Europeos. Martínez-Sierra seguirá formando parte da Corporación Municipal de Lourenzá como concelleiro e, a nivel orgánico, é integrante do Comité Executivo do Partido Popular na provincia de Lugo.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
