Lugo, 22 de setembro de 2014.- O subdelegado do Goberno en Lugo, Ramón Carballo, e o alcalde de Mondoñedo, Manuel Orlando González Cruz, copresidiron este luns a reunión ordinaria da xunta local de seguridade do municipio, na que o Concello detallou o deseño do plan de seguridade para a vindeira celebración das festas patronais na honra de San Lucas.
Segundo se explicou no encontro, a Policía Local intensificará os traballos de vixianza para evitar incidentes no transcurso desta cita festiva. A Garda Civil, pola súa banda, comprometeuse a traballar conxuntamente cos axentes locais, reforzando o dispositivo de seguridade, co obxectivo de previr a comisión de posibles delitos e garantir a seguridade cidadá, especialmente nas zonas e momentos nos que se rexistren as maiores aglomeracións de xente.
Esta colaboración entre os dous corpos policiais permitirá ademais facilitar unha resposta máis rápida e eficaz tanto a veciños como visitantes de Mondoñedo ante posibles necesidades.
SITUACIÓN DELINCUENCIAL
Os membros da xunta local de seguridade analizaron tamén a situación delincuencial en Mondoñedo no que vai de ano e explicaron que, dos datos de denuncias presentadas, despréndese un lixeiro repunte dos delitos. De todos os xeitos, os presentes valoraron o alto grao de resolución dos feitos delictivos cometidos no municipio, o que atribuiron principalmente ao traballo conxunto e coordinado de todas as forzas policiais con presenza na zona.
CHARLAS PARA MAIORES E ESCOLARES
O subdelegado do Goberno informou tamén este luns sobre o traballo realizado polas forzas e corpos de seguridade do Estado con colectivos especialmente vulnerables como son os maiores e os nenos. Neste sentido, Ramón Carballo referiuse ao chamado Plan Maior de Seguridade posto en marcha a nivel nacional polo Ministerio do Interior para previr e mellorar a seguridade das persoas maiores. Entre as medidas impulsadas no marco deste plan salientan as charlas informativas que imparten efectivos dos corpos policiais, e nas que se trata cos maiores sobre os riscos que constitúen unha ameaza para a súa seguridade.
Do mesmo xeito, referiuse ao Plan director para a convivencia e mellora da seguridade escolar nos centros educativos e as súas contornas. A Secretaría de Estado de Seguridade puxo en marcha este programa co obxectivo de informar a alumnado, profesorado e Anpas sobre temas como o acoso escolar, o consumo de drogas e alcohol, o uso inaxeitado das redes sociais ou a violencia de xénero. Os centros ou asociacións interesadas poden solicitar a realización de calquera deste tipo de charlas informativas.
Xunto ao subdelegado do Goberno e o alcalde, na reunión estiveron tamén representantes da Garda Civil, a Unidade de Tráfico, a Policía Autonómica, a Policía Local e Protección Civil.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
