Ponte do Baleo
A MARIÑA .- A consellería de Política Territorial, María José Caride, confirmou que aínda non se adxudicou ningún tramo das obras da Vía de Alta Capacidade da Costa Norte, entre San Cibrao e San Sadurniño, e a conselleira prevé este totalmente remata no ano 2.011. A responsable de Política Territorial deixou claro que “se iniciou o proceso expropiador de terreos para a construción do treito Viveiro-San Cibrao da Vía de Alta Capacidade da Costa Norte, que está en licitación a circunvalación de Ortigueira e que, desta mesma infraestrutura, estanse rematando os proxectos do resto dos tramos”.
Fonte
Política Territorial inviste 8 millóns de euros na humanización das estradas de Castela e Catabois, en Ferrol
A conselleira, María José Caride, e o alcalde de Ferrol, Vicente Irisarri, asinaron o convenio de colaboración para acometer estes traballos, que dotarán a ambas vías, ao longo duns 5,5 quilómetros, dun carácter máis urbano
A conselleira ratificou o compromiso orzamentario da CPTOPT co Auditorio de Ferrol e avanzou que Fomento abrirá en cuestión de días o primeiro treito do acceso ao Porto Exterior
Política Territorial inviste 8 millóns de euros na humanización das estradas de Castela e Catabois, en Ferrol
Ferrol, 3 de setembro de 2008.- A conselleira de Política Territorial, Obras Públicas e Transportes, María José Caride, e o alcalde de Ferrol, Vicente Irisarri, asinaron hoxe un convenio de colaboración para a execución das obras de acondicionamento das estradas de Castela (AC-862) e Catabois (AC-116), antigamente vías de acceso á cidade ferrolá e hoxe convertidas xa en travesías urbanas. Este carácter de vías urbanas aconsella axeitar a meirande parte do seu trazado aos seus novos usos e estender os servizos ás zonas nas que aínda non existen ou ben a renovar os que presentan deficiencias. Para iso, Política Territorial investirá 8 millóns de euros na humanización de máis de 5,5 quilómetros de ambas vías.
Tanto a estrada de Catabois como a de Castela son importantes arterias de entrada e saída da cidade de Ferrol, con densidades de tráfico que superan os 22.000 vehículos diarios. No caso da estrada de Catabois, as obras previstas dividiranse en dous treitos. O primeiro abarca dende a praza de Canido ata a glorieta do Complexo Hospitalario Arquitecto Marcide, ao longo duns 3 quilómetros nos que se reordenará e adecuará o entorno apostando pola coexistencia de vehículos e peóns, cunha definición equilibrada dos usos das rúas que permita mellorar a súa seguridade viaria. No segundo treito, dun quilómetro ata a rotonda no límite municipal con Narón, na zona do Muíño do Vento, a intervención será de menor alcance e acometerase en función das necesidades concretas de cada punto de xeito que permitan acadar unha maior seguridade e comodidade da circulación.
A estrada de Castela, pola súa banda, recibirá un tratamento similar ao de Catabois no seu treito máis urbano. Neste caso os traballos realizaranse en todo o percorrido da estrada polo ámbito municipal, ao longo de 1.580 metros dende a estación de autobuses e a Ponte das Cabras.
As obras de humanización para as dúas estradas abranguen a construción de beirarrúas, mellora do pavimento, dotación de servizos, aparcamentos, redefinición de paradas de autobús, deseño de zonas verdes e colocación de mobiliario urbano entre outros. No caso da estrada de Catabois tamén se deseñará un carril para bicicletas. Segundo o convenio asinado hoxe, a CPTOPT achegará os 8 millóns necesarios para acometer a obra, elaborará o proxecto técnico e contratará e dirixirá as obras. Pola súa banda, o Concello de Ferrol facilitará os terreos e permisos necesarios para executar os traballos e asumirá a titularidade e mantemento futuro de ambos treitos. Segundo indicou a conselleira, “os proxectos están na súa última fase de redacción e supervisión e está previsto que as obras se liciten este mesmo ano”.
Outras actuacións en Ferrol e a súa comarca
María José Caride realizou na súa intervención un repaso aos diversos proxectos que ten en marcha a CPTOPT en Ferrol e que suman un investimento duns 25 millóns de euros entre o convenio asinado hoxe, o financiamento achegado para a reforma da Praza de España e a construción do Auditorio. Así, sobre o auditorio indicou que “naceu con moitas carencias, xa que o proxecto inicial non reunía as características axeitadas para a súa materialización”. A conselleira lembrou os “problemas difíciles de resolver” atopados pola CPTOPT, xa que “houbo un reiterado incumprimento da dirección de obra e intentouse chegar a un acordo para realizar un proxecto solvente, aínda que supoña un sobrecuste sobre o proxecto inicial de alomenos o 50 por cento, sobrecuste que a Consellería acepta porque sabemos que Ferrol necesita dun auditorio”. A conselleira insistiu en que “non se rescindiu o contrato por motivos económicos senón polas graves carencias do proxecto orixinal”. Dese xeito, segundo indicou a conselleira, “iniciouse a rescisión do contrato coa dirección de obra e modificouse a fórmula para que a dirección facultativa da obra corra a cargo dun funcionario da CPTOPT”. Así, actualmente estase iniciando a modificación do proxecto co obxectivo de que os traballos do auditorio “se reinicien antes de finais deste ano”.
Con respecto ás outras actuacións que a Consellería de Política Territorial ten en marcha na comarca de Ferrol e que contribuirán á súa dinamización económica, María José Caride salientou a posta en servizo esta mesma semana dos autobuses-lanzadeira entre Ferrol e Cedeira así como a mellora da estrada Narón-Cedeira, en particular para garantir a mobilidade e a seguridade viaria nos parques empresariais da zona cun proxecto xa contratado por importe de 3 millóns de euros cuxos traballos iniciaranse en cuestión de semanas cun prazo de execución de 10 meses. Igualmente, a CPTOPT está actuando na travesía de Valdoviño cun investimento de 400.000 euros nuns traballos que rematarán a finais de outubro ou principios de novembro.
Canto ás vías de alta capacidade, María José Caride lembrou que Política Territorial está a construír os dous últimos treitos da autovía Ferrol-Vilalba e que está en licitación a circunvalación de Ortigueira, primeiro treito da Vía de Alta Capacidade da Costa Norte. Segundo indicou a conselleira, nuns días rematará o prazo para a presentación de ofertas desta obra. Ademais, xa se iniciou o proceso expropiador do treito Viveiro-San Cibrao desta mesma infraestrutura e estanse rematando os proxectos do resto dos tramos.
Por último, e con respecto ao acceso ao Porto Exterior que está a executar o Ministerio de Fomento, María José Caride avanzou que, tal e como lle confirmou hoxe mesmo o xefe da Demarcación de Carreteras en Galicia, os primeiros cinco quilómetros do novo vial, a parte máis próxima ao Porto Exterior, estarán en servizo nuns días, os cinco quilómetros finais funcionarán a finais deste mes ou principios de outubro e o treito central está en obras co obxectivo de abrilo o antes posible dentro deste mesmo ano. A conselleira expresou o seu desexo de que toda a infraestrutura poida ser empregada o antes posible.
Data: 14:48 – 03/09/2008
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
