Foz, 25 de setembro de 2014. As actividades das escolas deportivas municipais de Foz para o curso 2014-2015 empezarán o vindeiro luns, día 29 deste mes. Foron presentadas nun acto que contou coa participación do alcalde, Javier Jorge Castiñeira, e do concelleiro de Deportes, Ánxel Paleo Soto.
Están dirixidas a nenos e nenas nacidos a partir do ano 2009 e hai as seguintes actividades: skate e BMX, os xoves ás 18 horas no Ceip Número 1; teatro, os mércores ás 17:40 horas na Sala Bahía; multideporte, os mércores e venres, ás 17:40 horas no Ceip O Cantel; patinaxe artística, os luns a partir das 17:40 horas, con 3 grupos, no Ceip O Cantel; ximnasia rítmica, os venres ás 17:30 horas na Sala Bahía; obradoiro de cerámica, os martes ás 17:30 horas no Ceip O Cantel; zumba e aeróbic xuvenil, os venres ás 19 horas no Centro Social.
Tamén hai unha actividade para os nenos e nenas nacidos nos anos 2010 e 2011. Chámase Pequexogos e desenvolverase os mércores e os xoves.
Todas as disciplinas comezarán a impartirse a partir do luns 29 de setembro e rematarán o 29 de maio.
O custo é de 15 euros ao mes por unha actividade e de 17 euros mes para os que participen en dúas ou máis. As familias numerosas teñen un desconto do 50 por cento.
Ao longo do curso haberá actividades especiais como unha excursión a unha pista de xeo, minisendeirismo ou unha viaxe ao parque acuático de Cerceda.
Os interesados en obter máis información e para inscribirse deben dirixirse á Casa da Xuventude de Foz ou chamar ao teléfono 982.13.30.37.
Este mércores, 9 de xullo, a partir das 12h o Concello organiza unha excursión en kayak desde o porto de O Vicedo ata o Río Sor. Trátase dunha excursión dunhas 2 horas onde se fai un percorrido fantástico cruzando a ría para emprender a subida polo río Sor, pasando por debaixo das pontes sobre o río, Illa de S. Martín, Negradas e rematando na contorna de Ribeiras do Sor. Unha actividade para todas as idades que ten un custe de 20 € por persoa. Inclúe materiais e transporte de regreso desde Ribeiras do Sor ata o Porto do Vicedo. Inscricións no 982 59 01 95 en horario de mañá e tarde.
O Club Shitokai Galicia A Mariña presentou a catro aspirantes que resultaron aprobados: Carlos Fernández e Elena Dovale: 2º Dan (coa inestimable colaboración de Alejandra Gómez nos traballos técnicos por parellas). Gael Álvarez e Cristian Rancaño: Cinto Negro. Con estes resultados alcanzaron xa a cifra de 160 Cintos Negros Oficiais RFEK recoñecidos por CSD. A destacar o magnífico traballo realizado por todos os aspirantes.
Nada se puido facer por salvarlle a vida. O 112 Galicia foi coñecedor deste suceso uns vinte minutos antes das 14:00 horas deste domingo, momento no que un coche e unha moto colidiron, co motorista inconsciente logo do impacto. Desde o CIAE 112 Galicia solicitouse a intervención do Servizo de Urxencias Sanitarias de Galicia-061, do GES de Ortigueira, da Garda Civil de Tráfico e da Policía Local. Os medios acudiron ata o punto, no quilómetro 49 da AC-862, pero só puideron confirmar o falecemento do motorista.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
