O equipo de goberno de Viveiro apoia ó antigo equipo directivo do IES Vilar Ponte

Ante a dimisión da directiva do instituto Vilar Ponte, tras coñecer que a Consellería de Cul-tura, Educación e Ordenación Universitaria deixaría sen cubrir unha praza de profesor de Lingua Castelá, a alcaldesa de Viveiro, a socialistas María Loureiro, manifestar “o meu apoio ao antigo equipo directivo pola decisión tomada, un decisión que, en todo caso, é mostra inequívoca do seu compromiso coa educación, co profesorado e co alumnado, unha mostra de responsabilidade elo-xiable”.

Ademais, critica que “esta actuación da consellería é un exemplo máis da política que está a desenvolver o Partido Popular en todos os ámbitos, baseada nos recortes dos piares fundamen-tais da sociedade, sen valorar as súas consecuencias; considero que é inaceptable que a estas alturas do curso educativo se comunique unha decisión contraria ás previsións existentes, máis aínda tendo en conta que neste curso xa se deixaran sen cubrir outras prazas; obrigando a modi-ficar os horarios elaborados e afectando, incluso, ao desenvolvemento doutras actividades educa-tivas, como as visitas ao laboratorio ou a atención da biblioteca; considero, así mesmo, intolerable que a alternativa proposta pola consellería sexa aumentar a ratio das aulas, unha proposta que merma indiscutiblemente a calidade da educación e que converte a alumnos e profesores nos grandes prexudicados dunha forma de facer política deplorable”.

Finalmente, reitera “no meu nome propio e en nome do equipo do goberno quero ofrecer ao centro educativo o noso apoio e colaboración, quedando dispostos a participar en calquera acción encamiñada a reclamar, ante a administración autonómica, que recapacite, que cubra a praza referida e que cumpra, deste xeito, o cupo que a propia consellería establecera para o centro”.