Nota de Prensa
Para o deputado popular Daniel Varela esta medida de diferenciación e identificación na liña de venta ten como finalidade recoñecer os produtos capturados pola flota galega e así valorizarlos de forma que poidan competir coas importacións
O GRUPO POPULAR PROMOVE QUE SE IDENTIFIQUE O PESCADO NOS PUNTOS DE VENTA AO POR MENOR SEGÚNDO A SÚA PROCEDENCIA, CAPTURA E PRESENTACIÓN
Solicita á Xunta que estableza unha regulación que permita aos consumidores distinguir claramente nas pescaderías, supermercados e hipermercados as especies pesqueiras e marisqueiras segundo a súa procedencia
Para Daniel Varela é imprescindible subministrar a información necesaria para unha elección plena e libre e así facilitar a identificación do pescado capturado pola flota galega, caracterizado pola súa gran calidade, importantes valores nutricionais e grandes garantías hixiénico-sanitarias en contraste con outros procedentes de terceiros países e, en especial, en Asia
“O prezo é o principal reclamo e os produtos non deberían aparecer mesturados, como pode ser o caso de atoparse xuntos linguado ou gallos frescos con panga desconxelado (de río, granxa e asiático)” indica o deputado popular
Santiago , 1 de agosto de 2009.- O Grupo Popular ven de presentar no Parlamento de Galicia unha iniciativa coa que pretende promover no punto de venta ao por menor que se identifique e se diferencie o pescado segundo a súa procedencia, captura e presentación. O obxectivo fundamental é facilitar a identificación do pescado capturado pola flota galega, caracterizado pola súa gran calidade en contraste con outros procedentes de terceiros países, e conquerir que o consumidor final dispoña de máis información sobre a procedencia, método de captura ou engorde do pescado para que realice unha compra mais responsable.
Así, na iniciativa o Grupo Popular solicita á Xunta que estableza unha regulación que permita aos consumidores distinguir claramente nos puntos de venta ao por menor (pescaderías, supermercados, hipermercados …) as especies pesqueiras e marisqueiras segundo a súa procedencia.
Para os deputados populares Daniel Varela e Xosé Manuel Balseiro, autores da iniciativa, esta medida de diferenciación e identificación na liña de venta ten como finalidade dar valor aos produtos capturados pola flota galega, caracterizados pola súa gran calidade, importantes valores nutricionais e grandes garantías hixiénico-sanitarias, en contraste con outros procedentes de terceiros países e, en especial, de Asia.
Así mesmo o Grupo Popular solicita que na regulación encamiñada a que os consumidores distingan claramente o peixe nos puntos de venta, se expoñan de forma separada o peixe fresco, do desconxelado e do de acuicultura, así como o peixe que é de auga doce e o que procede de auga mariña. Esto se produce porque na actualidade non ocorre , inducindo ao erro ao consumidor ao, simplemente, non se lle subministra con absoluta claridade a información necesaria para a elección plena e libre.
Para Daniel Varela “o factor prezo é o principal reclamo e os produtos non deberían aparecer mesturados, como pode ser o caso de atoparse xuntos linguado ou gallos frescos con panga desconxelado (de río, granxa, e asiático)”. Para o deputado popular a diferenza, polo tanto, non debería aparecer tan só na etiqueta senón incluso na situación ou colocación no expositor da pescadería.
Segundo o PPdeG o extraordinario incremento das importacións de peixe foráneo que se está a producir en Galicia é unha das causas da crise actual que sofre o sector pesqueiro galego ao producirse unha competencia que non sempre é leal, ao non esixirse nos países de procedencia as mesmas esixencias técnicas, sanitarias, socio-laborais e medioambientais que as da Unión Europea. As repercusións desta situación se produce coa baixada nos prezos de venta ao público coas que resulta moi difícil competir.
Para evitar esta situación é necesario, segundo o deputado do PPdeG , que o consumidor poida distinguir nitidamente os peixes foráneos dos procedentes da flota extractiva galega ou da nosa acuicultura coa mellora nas normas de exposición dos produtos ao público nos puntos de venda ao menor.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
