A Deputación mantén aberto o prazo para solicitar as 50 bolsas Leonardo da Vinci coas que mozas e mozos lucenses poderán realizar prácticas en empresas europeas a custe cero. O prazo para inscribirse estará aberto ata o vindeiro día 7 de outubro en www.deputacionlugo.gal, no que tamén se pode atopar información adicional. As bolsas están dirixidas a menores de 35 anos titulados en áreas como agricultura, silvicultura, pesca, medio ambiente, turismo, informática e ciencias da vida.
As bolsas, a custe cero para os beneficiarios, están cofinanciadas con fondos europeos, e contan cunha achega de 231.000 euros financiada nun 70% pola Unión Europea e nun 30% pola Deputación. Deste xeito, o organismo provincial asume os gastos de desprazamento, aloxamento, manutención, transporte local e os cursos de idiomas.
Esta programación de becas mellora a formación dos participantes, con prácticas en prestixiosas empresas de Europa que facilitan a súa inserción laboral de volta no país. Teñen unha duración de 3 meses e medio, durante os que os lucenses seleccionados realizarán cursos de idiomas e farán prácticas en recoñecidas entidades, vencelladas coas súas profesións, en países como Austria, Italia, Portugal, República Checa, Reino Unido e Irlanda, entre outros. Ademais, durante todo este proceso contarán cun titor que fará un seguimento continuado da formación do bolseiro.
Con esta convocatoria, xa son 310 bolsas Leonardo que a Deputación de Lugo ofreceu nos últimos 3 anos, apostando deste xeito pola formación dos lucenses para buscar novas oportunidades de futuro e mellora a incorporación ao mercado laboral.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
