O portavoz municipal do BNG, Mario Pillado, rexistrou este xoves unha serie de preguntas para que o alcalde dea explicacións claras en relación ás actuacións levadas a cabo na rede de sumidoiros e colectores de Burela. Os nacionalistas alertaban onte do xeito en que se están a realizar os labores de limpeza dos sumidoiros e colectores na Rúa do Porto e na zona de Torrentes e Suafonte, pois os camións bomba verqueron a enxurrada e residuos recollidos na explanda portuaria do Berbés.
O portavoz do BNG, considera que “feitos como estes non se poden permitir por parte dos poderes públicos e que o alcalde debe actuar de inmediato”. Pillado engadiu que “se xa son graves estes feitos por si mesmos, máis graves son aínda as declaracións do Sr. González Barcia ao confirmar que se realizaron os verquidos sen anunciar ningunha medida para corrixir esta situación. Para o Sr. Barcia o normal é que se deposite a enxurrada recollida nunha explanada do porto, sen contar para iso con ningún contedor especial para este tipo de residuos nin se adopten outro tipo de medidas”.
Segundo os nacionalistas, “a urxencia non xustifica o xeito irresponsable en que se están a desenvolver os traballos de limpeza e o Concello debe exixir rigor e cumprimento da normativa”. O BNG vai requerir ao Concello a documentación na que se autorizan estes verquidos e chegado o momento pedirá tamén as responsabilidades oportunas.
O BNG ve improvisación e falta de rigor nas actuacións do Goberno Municipal do PP
Resulta sintomático que o concelleiro de Obras, o Sr. Fernández Valle aínda non dese ningún tipo de explicación a este respecto, mentres que o Sr. González Barcia se dedica a botar balóns fóra como se aquí non pasase nada, o que demostra unha falta de rigor e improvisación absoluta por parte do equipo de goberno.
O BNG vai continuar co seu traballo de defensa do interese xeral, no seu labor de oposición seria e responsable, como ven facendo nestes tres últimos anos, realizando propostas concretas que redunden no beneficio xeral dos veciños e veciñas de Burela e facendo un control exhaustivo da acción do Goberno Municipal.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
