A Mariña, 14 de outubro de 2014.- Antes de nada, queremos desde a CIG-Ensino solidarizarnos coas dúas nais da Anpa do IES Vilar Ponte denunciadas pola directora do centro e demandar a inmediata retirada da denuncia. Ao mesmo tempo, a CIG Ensino acusa á Consellaría –e a xefatura territorial en particular- de ser a responsable do que está acontecendo no IES Vilar Ponte de Viveiro e de ser incapaz de resolver o conflito que ela mesma provocou, de actuar de forma improvisada e prepotente e de vulnerar sistematicamente a legalidade vixente.
En primeiro lugar, a CIG manifesta que o procedemento do nomeamento da nova dirección foi ilegal porque vulnerou a lexislación vixente. O Decreto 29/2007, de 8 de marzo que regula a selección, nomeamento e dimisión de directores e directoras di no seu artigo 17.2: “Nos supostos de que se produza o cesamento da dirección durante o curso escolar o delegado provincial da Consellaría de Educación e Ordenación Universitaria, oído o claustro de profesores e o consello escolar, realizará nomeamento accidental da dirección, ata o 30 de xuño do ano que proceda…” É máis que obvio que a Xefatura Territorial neste caso non oio nin ao claustro nin ao consello escolar porque non foron convocados para tal efecto e procedeu a nomear a unha nova directora saltando a legalidade e incorrendo nun posible caso de prevaricación. Por este motivo, a CIG-Ensino presentou no día de onte unha reclamación diante da Xefatura Territorial pedindo a anulación do nomeamento da nova dirección nunha primeira instancia. Se non se resolvera positivamente a CIG Ensino proseguirá o procedemento e interporá un recurso contencioso-administrativo.
A CIG tamén cuestiona, coincidindo co aprobado pola maioría do claustro de profesores e profesoras o pasado mércores, a fórmula seguida pola Inspección e a nova dirección de elaboración dos horarios que está provocando unha grave desorganización no desenvolvemento da actividade docente do centro. A orde do 28 de xuño determina de forma clara o procedemento na asignación de grupos e de horarios. Primeiro a xefatura de estudos debe comunicar ás xefaturas de departamento o número de grupos de alumnado que corresponde a cada área, materia e módulos. A continuación os departamentos reúnense para distribuír as materias, cursos e quendas de cada membro do departamento. E finalmente e á vista da distribución feita por cada departamento a xefatura de estudos elabora os horarios tanto do alumnado como do profesorado, respectando sempre os criterios pedagóxicos.
Desde a CIG, demandamos que a Xefatura Territorial rectifique, anule o nomeamento desta dirección e se convoque ao claustro e ao consello escolar para elixir unha nova dirección que cumpra coa normativa e que sexa referendada pola maioría tanto do claustro como do consello escolar. Así mesmo, que se elaboren uns novos horarios conforme a lei e que sexan os distintos departamentos, unha vez reunidos, os que distribúan as horas que lles corresponden así como a asignación de grupos a cada profesor ou profesora e que non sexan impostos como parece quer facer a dirección e a inspección educativa.
Finalmente, A CIG Ensino pon a disposición do profesorado e da Anpa os seus servizos xurídicos tanto para facer as reclamacións e demandas pertinentes como para defenderse no caso de posibles acusacións ou represalias que poidan sufrir.
Dores Fernández Abel
Secretaria da CIG Ensino da Mariña
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
