Lugo, 14 de outubro de 2014. A área de Cultura e Turismo da Deputación de Lugo, que dirixe o nacionalista Mario Outeiro, colabora coa integración laboral das persoas con discapacidade mediante a sinatura dun convenio coa Federación de Asociacións de Familiares e Persoas con Enfermidade Mental de Galicia (FEAFES Galicia). A través deste convenio, un membro deste colectivo poderá desenvolver as súas prácticas laborais no Museo Provincial de Lugo. En representación de FEAFES asistiu José Ramón Girón García.
As prácticas desta persoa terán unha duración de seis meses e a súa carga de traballo será de 2 horas, de luns a venres, desenvolvendo as labores de ordenanza e auxiliar de recepción no citado museo, instalación dependente do organismo provincial. “Para nós é unha obriga, ademais dunha satisfacción enorme, contribuír á integración laboral das persoas con discapacidade”, remarcou Mario Outeiro. Esta actuación, cuxo gasto sufragará a Deputación cunha subvención de carácter excepcional de 2.450 euros, está enmarcada dentro do ‘Proxecto de acercamento ao mundo laboral para persoas con enfermidade mental’ impulsado por FEAFES Galicia
Programas de accesibilidade do museo
Esta non é a primeira iniciativa social que se leva a cabo no Museo Provincial de Lugo, xa que é unha sala que destaca pola súa implicación en programas de accesibilidade, polos que xa ten recibido algún premio. “O Museo Provincial conta con departamento específico de accesibilidade e destaca tanto pola eliminación de barreiras arquitectónicas como pola posta en marcha de iniciativas para que as persoas invidentes ou con calquera outro tipo de discapacidade poidan gozar das exposicións e actividades que acolle a sala”, apuntou Mario Outeiro.
FEAFES representa a máis de 40.000 persoas
FEAFES Galicia é unha entidade sen ánimo de lucro que se constituíu no ano 1985 co obxectivo de actuar como representante dos dereitos e necesidades do movemento asociativo das persoas con enfermidade mental. Na actualidade conta con presenza en 30 localidades galegas e representa a un total de 41.775 persoas, das cales máis de 5.000 son socias do colectivo.
Tendo en conta que as enfermidades mentais repercuten en todos os aspectos da vida da persoa (saúde, familia, relacións sociais, traballo, etc), entre as funcións principais de FEAFES está a de realizar accións dirixidas a mellorar a calidade de vida das persoas con enfermidade mental e a dos seus familiares, xa que na maioría dos casos recae neles o coidado destes doentes.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
