Lugo, 17 de outubro de 2014. A Deputación de Lugo apoia con 123.000 euros a petición do Concello de Ribadeo para que tanto a Praia das Catedrais coma toda a franxa litoral ribadense sexan declarados Parque Natural. A Xunta de Goberno da insitución provincial aprobou este venres un convenio excepcional co Concello de Ribadeo que supón unha achega de 59.700 euros en 2014 e 64.164 euros en 2015 para todo un programa de actuacións dirixidas a protexer o areal e potenciar o seu atractivo turístico durante todo o ano, para así desestacionalizar as visitas e evitar a masificación da praia.
O vicepresidente da Deputación, o nacionalista Antonio Veiga, afirmou na rolda de prensa posterior á Xunta de Goberno que “as medidas meramente restrictivas que propón a Xunta de Galiza non chegan”. “Limitar o acceso á praia porque si, sen dar máis alternativas, non vai evitar nin os atascos nin as colas de coches de xente que pasa pola A-8 e quere mirar se ten sitio para visitar a praia”, argumentou, porque “non é só sacar número coma na carnicería para entrar á praia, hai que acometer un proxecto moito máis amplo para facer que grazas ás Catedrais Ribadeo e toda a Mariña sexan un atractivo durante todo o ano”.
Neste sentido, Veiga afirmou que estes 123.000 euros aprobados hoxe “son o investimento máis produtivo na economía da comarca, porque o retorno económico que xeran no turismo, na hostalaría e no comercio da zona é moito maior”. Dende ese punto de vista, criticou que “o plan da Xunta é simplemente prohibicionista pero non conta con orzamento económico ningún para fomentar o turismo e a economía de toda a comarca”. “Todo o investimento que fixo a Xunta a día de hoxe nas Catedrais foi poñer catro carteis”, polo que pediu á Xunta que “cando menos poña outro tanto como pon a Deputación para infraestruturas necesarias como un aparcadoiro disuasorio alonxado da praia ou a peonalización do entorno do areal”. “Os Orzamentos da Xunta para 2015, que están a piques de saír, sería un bo lugar para que figuraran eses cartos como parte da aportación da Xunta”, afirmou o vicepresidente da Deputación.
A Deputación e o Concello seguen reclamando a declaración de Parque Natural
A Deputación de Lugo e o Concello de Ribadeo seguen demandando a Declaración como Parque Natural para a franxa litoral de Ribadeo que permita desconxestionar as Catedrais da súa presión turística ofrecendo alternativas para todo ese fluxo de visitantes atraídos pola especial natureza desta costa. Neste sentido, Veiga pediu á Xunta un “plan máis amplo que o presentado, serio e de futuro, consensuado por todas as administracións: Xunta, Deputación, Ministerio de Medio Ambiente, Dirección xeral de Costas,Concello, veciños e sectores implicados”. A xuízo de Antonio Veiga, a declaración de Parque Natural para As Catedrais significaría a protección da zona, o despegue definitivo e a consolidación como un reclamo turístico de primeira magnitude para toda a Mariña lucense.
“Temos que favorecer, mediante ofertas que inclúan toda a comarca da Mariña, que as visitas sexan máis escalonadas e ordenadas e que haxa menos coches no entorno da praia mediante un aparcadoiro amplo e distante conectado con transporte público e a habilitación dun apeadeiro de FEVE, porque mentras non logremos sacar os coches dalí e peonalizar o entorno non resolveremos nada”, argumentou Veiga esta mañá.
Fomento do turismo de natureza e do turismo ornitolóxico en 2015
Antonio Veiga detallou a aportación de máis de 120.000 euros en dúas anualidades que fai a Deputación mediante o convenio aprobado hoxe e que irá destinado, entre outras cuestións ao mantemento do punto de información turística que hai na praia, atendido por 6 persoas, un lugar polo que pasaron este mes de agosto máis de 300.000 persoas, polo que se constitúe como “o principal foco de promoción turística da provincia de Lugo e un dos primeiros de Galiza”.
Ademais do programa de Atención ao Visitante e Mantemento do punto de información turística nas Catedrais, o convenio inclúe outras medidas como o bus turístico á praia, un programa de mantemento e coidado do areal, a difusión do valor ecolóxico das Catedrais e de toda a franxa litoral do concello, o fomento do turismo ornitolóxico, a creación de produtos de turismo de natureza, valorización do patrimonio cultural e gastronómico da zona, ou outras actividades de promoción como a Media Maratón organizada este ano por primeira vez e que congregou a máis de 1.000 participantes.
Reto: facer que os turistas que veñen ás Catedrais se queden varios días na Mariña
A praia das Catedrais tense convertido no segundo destino singular máis coñecido e visitado de Galiza, só por detrás da Catedral de Santiago. O vicepresidente da Deputación de Lugo, afirmou que “o turismo é un dos sectores con máis futuro da provincia, pero non calquera tipo de turismo, temos que apostar por un turismo de calidade vinculado ao patrimonio e ao medio ambiente, un turismo sostible, non masificado, que protexa entornos como a Praia das Catedrais”, defendeu Antonio Veiga.
Para Antonio Veiga o grande reto é “aproveitar o tirón das Catedrais para vender A Mariña e o resto da provincia de Lugo e facer que os turistas que veñen ver as Catedrais queden varios días na Mariña e visiten outros puntos da comarca”. “Temos que aproveitar o efecto imán que ten para o turismo na Mariña a praia das Catedrais”, dixo.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
