Burela, 17-10-14.- A CIG ven de denunciar publicamente que o Concello de Burela se nega a executar unha sentenza xudicial favorábel a un empregado municipal que presta servizos como Director da Banda e como profesor na Escola de Música.
O 30 de xullo do presente ano, o Xulgado do Social de Lugo ditaba sentenza a favor do Director da Banda de Burela e obrigaba ao Concello a repoñer a este traballador nas condicións nas que viña desenvolvendo o seu traballo con anterioridade. O Concello de Burela, a través dun Decreto de Alcaldía do 22/01/2014, procedera á modificación substancial das condicións de traballo do Director da Banda, cunha redución da súa xornada laboral dun 66%, quedando o seu horario lectivo reducido á mínima expresión con só 4 horas de clase semanais. O Xulgado estimou a demanda presentada polo traballador e declarou a modificación efectuada polo Concello como improcedente.
Segundo aclara a CIG na denuncia que hoxe fixo pública, “esta medida foi adoptada unilateralmente polo Concello e supuxo na práctica a desaparición mesma do Director da Banda, deixando a este empregado cunha ridícula xornada laboral de 4 horas semanais para labores como profesor da Escola de Música, sendo o docente con menor carga lectiva de todo o profesorado do centro.”
O sindicato nacionalista asegura que “estamos diante dunha manobra por parte do Concello para forzar a resolución voluntaria do contrato por parte do traballador, evitando un despedimento improcedente que social e politicamente non se podería xustificar.” Por outra parte, a CIG adianta que levará a cabo todas as medidas precisas para que se repoñan as condicións a este empregado e emprenderá as accións xudiciais oportunas para que non se vulneren os dereitos fundamentais deste traballador ou de calquera outro empregado municipal.”
Para a CIG, “estamos diante dun claro caso de persecución e mobbing contra o Director da Banda, que ven padecendo un hostigamento continuado desde hai máis de 3 anos, a través da redución progresiva do seu horario, diminución da carga lectiva, perda forzosa de alumnado…”.“Existe un interese especial en apartar a este profesor da dirección da Banda, chegando a Dirección da Escola a emitir un Informe no que aconsellaba que se lle reducise a xornada laboral e que posteriormente derivou na modificación practicada polo Concello”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
