Asociación de Xubilados Terra Mar.- Con permiso dos sabios da lingua, variamos o refrán tradicional que se aplica cando as malas artes dalgúns se ceban nos máis débiles, porque ese é o sentimento que nos embarga aos que formamos parte da asociación de Terra Mar despois de escoitar que, para o Grupo Municipal Socialista de Cervo, é “un disparate” (cita literal) que os orzamentos municipais recollan unha axuda en apoio do noso colectivo de xubilados.
Non podemos negar que estas críticas do PSOE provocan en moitos de nos dous sentimentos variados: decepción, porque nacen de persoas que, con independencia da súa militancia, son os nosos veciños, e coñecen o traballo esforzado que facemos os xubilados de San Ciprián para organizar actividades diarias dirixidas aos nosos socios. O segundo sentimento é o de indignación, porque os socialistas de Cervo empreguen cal marioneta á nosa asociación para o xogo da crítica política, esquecendo que entre os moitos que formamos parte deste colectivo hai xente de toda opinión, ideoloxía e sentido de voto, porque aquí o que importa non é a militancia, senón as ganas de unirse, botar unhas partidas, falar, pasalo ben, ofrecer unha alternativa de actividades lúdicas para este grupo de veciños máis veteranos.
Terra Mar é, probablemente, a asociación local máis importante do concello, superando os 150 socios. A única de xubilados, unha gran maioría dos cales facemos uso diario das nosas instalacións e participamos activamente nas actividades que se organizan. Para mantelas precisamos da colaboración de todos, e agradecemos as contribucións que poidan chegar desde todas as administracións, sen importar cores. Hoxe, a do Concello é a única axuda que recibimos para o desenvolvemento das nosas actividades.
Moitos políticos enchen os seus discursos con palabras de recoñecemento ao papel que na sociedade aínda temos os veciños máis veteranos, as persoas maiores, hoxe nos decepciona comprobar que para algúns son palabras baleiras. Din querer contar con nós, pero critican que poidamos recibir unha axuda. Para algúns os xubilados, apoio indispensable das nosas familias neste tempo de crise, só somos útiles cando se aproxima as eleccións, cando nos prometen cariño e respaldo pero, cando chega á hora de verdade, somos obxecto das súas inxustas críticas. Con todo, chegado o momento, a nosa non será unha posición de rancor: teremos as portas abertas ao PSOE e a todos os partidos políticos locais que queiran escoitarnos, aínda que hoxe sexa doloroso ler como a máxima responsable do socialismo local permite e ampara que se atribúa o adxectivo de “disparate” ao feito de que Terra Mar reciba unha axuda
Asociación de Xubilados Terra Mar de San Ciprián.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
